Saturday, September 20, 2014
| FAQ | Tutorials |
   
Text Size
 
 

Haveli Hot

Story Attributes

Genre
Horror
Characters
Other
Status
Complete

Yeh kahani hai un saat doston ki jo ki shuru se hi saath hai......school, college sabhi ek hi saath gaye the aur ek hi jagah par......saton ne apni zindagi mein bahut masti ki hai.....kai jagah saath saath gaye hain aur hamesha ek doosre ka saath diya hai......chahe kaam sahi ho ya galat......

Aaj sabhi Bunty ke ghar mein ikattha hue hain aur kahin ghoomne ka plan hai inka.....

Arun: kya yaar log kuch to batao....koi planning to karo ki kahan jaana hai??

Ajay: yeh baat to sahi hai.....aise ghar baith kar makkhi maarne se to achcha hai kahin jaate hai aur masti maarte hain.....

sabhi sochne lag gaye ki kahan jaane ka plan kiya jaaye....lekin kisi ke dimag mein kuch nahin aa raha tha.....

tabhi Payal boli: umm kyun na aise hi sadak pe nikal padte hai ki na koi jagah sahi lagegi hi aur phir wohi apni picnic mana lenge.....

Nikhil: haan ji hamare pitaji ne petrol pump khol rakha hai na ki aise hi ghoomne nikal pado aur phir petrol khatam ho jaaye to wohi atak jaao....

Karan: arey yaar nikhil tu kabhi nahin sudhrega.....abhi mazak na kar aur soch ki kahan jaana hai......

Nikhil: ummm main soch raha hoon waise Payal ne galat nahin kaha hai.....kyunki zyadatar to hum aise hi nikal padte hain har jagah aur phir jo jagah pasand aayi wohi dera jama lete hain......to kyun na aisa hi karein?????

Julie: idea to bura nahin hai aur waise bhi petrol ka kya hai 2-3 container saath rakh lete hain.....waise i dont think ki zaroorat padegi.....

Bunty: to soch kya rahe ho yaaroon chalo jaldi se zaroori saman rakh lete hain aur nikalte padte hain apne adventure par.....

Sabhi tayyari mein lag jaate hain aur phir jald hi sara zaroori saman pack karke nikal padte hain gadi mein.......

Ajay: yaar arun main soch raha tha ki koi to aisi jagah hogi jahan par apna spot aur adventure banega....kahin aisa na ho aaj aur kal ka din waste ho jaaye.....

Arun: arey pehale aaj to soch na kal ka baad mein dekhenge......

Bunty: umm waise ek jagah mere dimaag mein hai ki hum kahan jaa sakte hain.....

Payal: to abhi tak kyun nahin bataya????

Bunty: arey main soch raha tha na isliye nahin bataya.....abhi suno.... yahan se karib 1 ghante ka raasta hai.........jagah thodi si sunsan hai lekin hai badi achchi.......wahan kehate hai koi ghar bhi hai....lekin koi rehata nahin hai....to wahan jaa sakte hain aur us ghar ko explore bhi kar lenge.....

Julie: kahin tum us haveli ki baat to nahin kar rahe....jo....jo kai salon se band padi hai aur....

Bunty: haan haan wohi.....kyun aisa kya hai jo tu itna ghabra rahi hai???

Ajay: arey yaar yeh to ek cockroach ko dekh kar bhi ghabra jaati hai....tu use chor aur direction bata....

Bunty: woh hai to chota sa jungle abhi.....kyunki wahan koi jaata nahin hai aur phir kaun itna saaf safai karega wahan par.......lekin spot ek dum mast hai woh.....

Arun: hmmm adventuruous jagah lagti hai....naam kya hai jagah ka???

Bunty: kya to naam thaaaaa.....ummm....haan woh jo purani dilli ke end par ek kachchi sadak jaati hai....wohi par hai....

Nikhil: hmmm.....wooh to.......arey haan woh haveli to bahut mashoor hai...

achanak nikhil kuch kehate hue ruk gaya aur sochne laga.....aur phir sochne ke baad bola: arey haan maine suna tha wahan bhoot naachte hain....hahahaah bhoootttttt

Karan: abey tu hasna band kar na...yahan dekho Julie bechari waise hi dari hui hai aur tu aur dara raha hai......chup ho jaa.....abhi dekho wahan thoda idurr udurr ghoomte hain aur uske baad ruk jaayenge kahin bhi aur aaj ki raat bita kar kal shaam tak ghar waapis !!!!!!

Arun: idea bura nahin hai....waise bhi 3 to bajne hi wale hain....kha pee kar us haveli ko explore karte hain aur phir dekhte kisi jagah ruk jaayenge......

Sab kuch decide ho chuka tha aur phir sabhi ne haan mein haan milai aur chal pade aur raaste ki taraf......lekin koi yeh nahin jaanta tha ki woh raat unke liye aakhri raat hogi...........

Kuch der ke safar ke baad sabhi us kachchi sadak pe aa gaye.....

Nikhil: aahh yea to pahunch hi gaye ab to lagta hai maza aa jaayenga aaj phir.....kya rey bandhu sab kya bolte....

Arun: abey pahunchne to de pehale....hamesha ki tarah pehale hi uchalna shuru kar deta hai.......

Karan: haahaha sahi baat hai....yeh kabhi na sudharne wala hahaha

Bunty: arey is sunsan jagah par yeh buddha sadak ke kinare kyun leta hua hai??????

Payal: arey koi jaa kar dekho to sahi baat kya hai....????

Ajay ne gadi roki aur sabhi log utar kar us budhe ke paas jaane lage..... wahan par Karan bola: baba !!!! baba!!!!!

Budha palta unki taraf aur bola: kaun ho tum log????

Ajay: hum to ghoomne nikle the baba lekin tum yahan is sunsaan jagah par kya kar rahe ho????

Buddha: main to barso se yahan pada hoon beta.....isi jagah....kabhi kisi insaan ko is taraf aate nahin dekha lekin tum sab jaa kidurr rahe ho???

Arun: baba hum to us taraf jaa rahe hai....shuttiyan hai to socha kyun na kahin picnic manane chalte hain.....

Buddhe ki nazar us taraf gayi jahan par Arun ne ishara kiya tha aur woh kaamp utha aur bola: nahin beta us taraf na jaaoo....jo bhi wahan gaya kabhi waapis nahin aaya....

Nikhil: arey baba ji abhi tum bhi to idurr hi hai na to apne ko kahe darne ka....abhi kya hai na hum sab udurr jaayenge aur picnic sab mana kar kal shaam tak ghar waapis.....

Buddha: nahin beta tum log wahan na jaaoo wahan par maut ka raaj hai...
woh haveli khoon peena jaanti hai aur kuch nahin........

Julie: main to kah rahi hoon ab bhi waqt hai waapis chalte hain

Nikhil: arey yaar Julie tu bhi na....abhi tu chup kar.....aur chalo yaar chalte ..........baba hum kal shaam ko aapse phir milenge.....chalo abhi time kam hai apne paas.......

Sabhi gadi main baith gaye aur chal diye us taraf jahan maut ka raaj tha....lekin in sabse bekhabar the yeh sab.....

Bunty: bus ab aa hi gaye wahan par.....aha ab aayenga maza

unhone gadi roki aur Arun bola: hmm aage ka rasta to chal kar hi paar karna padega lagta hai......kyunki aisi raaste par gadi nahin chal sakti

Ajay: baat to sahi hai...chalo phir saman nikalo aur chalte hain......

Payal: waise Bunty yahan se kitni door hai jahan bhi dera jamana hai hame????

Bunty: zyada nahin tu chal to sahi.....yahan tak to gadi mein thaki aur chalne ka sochte hi thak jaati hai........

Sabhi hasne lagte hai aur wahan se chalne lagte hain.....thoda faasla tay karne par woh ek jagah chun lete hain jahan unhe baithna hota hai.....aur sabhi saman nikal kar rakhte hain aur baith jaate hain........hansi mazak chal raha hota hai.......tabhi Karan khada ho jata hai......aur ek taraf dekhne lagta hai........

Nikhil: kya hua tere ko tu to aise khada ho gaya jaise neeche kisi ne sui chuba di ho Very Happy

Ajay: kya ho gaya Karan kya dekh raha hai?????

Karan us disha mein point out karta hai......sabhi us taraf dekhne lagte hain......kuch der to koi kuch nahin bolta kyunki drishya hi aisa tha.....

wahan khadi thi woh haveli jisko dekh kar hi koi bhi kaamp jaayega.....kisi ka bhi astitva tak hil jaata tha us bhayanak haveli ko dekh kar....sunsan jagah par khadi woh haveli.......kuch der to sabhi chuo rahe......

lekin phir is chuppi to toda Ajay ne: arey sab chup kyun ho gaye yaar.... khane sab ke baad zyada chalna nahin padega....paas hi haveli bhi hai aur phir explore karenge ise

Koi kuch na bola lekin sab khane ke baad us haveli ki taraf jaane lage lekin thoda pehale ruk gaye kyunki wahan aur bhi koi tha....darwaze par koi khada tha.....sabhi soch mein pad gaye ki kaun ho sakta hai is haveli mein aise waqt par..... sabhi sehme hue the lekin koi kuch keh nahin raha tha.....

Arun: aise kaun.....ho......sakta hai....i mean yeh haveli ke darwaze par....????

kisi ke kuch samajh mein nahin aa raha tha.....

Ajay: wohi chal kar dekhte hain ki kaun hai.....waise bhi ab 7 baj chuke hai aur andhera bhi ho raha hai.....chalo dekhte hain kaun hai wahan aur yeh sab kya chakkar hai !!!!!!

Sabhi chal diye us haveli ki taraf.........

sabhi dost bad chale haveli ki taraf........yeh raaz jaanane ke liye ki aisi sunsan aur veeran jagah mein us haveli mein kaun ho sakta tha.......aur woh bhi is waqt........jab log us haveli ki taraf aankh uthane se bhi darte the.... kaamp jate the us haveli ka drishya dekh kar......

kuch thoda pehale jaa kar sabhi dost ruk gaye....kisi ki bhi jimmat nahin ho rahe thi ki jaa kar pooche us aadmi se......sabhi dar rahe the ki kahin koi bhoot to nahin hai......tabhi nikhil kaampte kadmo se aage badha yeh jaanane ki liye woh insaan kaun hai......

uske paas pahunchkar ruk gaya aur bola: umm bhai sahab????

woh aadmi palta aur bola: ji kahiye??

nikhil: aap kaun ho aur yahan kya kar rahe ho???

woh aadmi: main yahan ka chowkidaar hoon aur is haveli ki raksha karta hoon.....mera naam raghav hai......aap kaun???

nikhil: oh umm mera naam nikhil hai aur apne doston ke saath yahan picnic manane aaya tha to socha is haveli ko bhi explore karein.....

raghav: maut ki picnic !!!!!

nikhil: umm kyaaa matlab?????

raghav: kuch nahin sahab main to mazak kar raha tha.....aap log yahan se chale jao.....yeh jagah raat ko maut ka ilaka kehalati hai.....jo bhi yahan aata hai....kabhi waapis nahin jaata....unki laashein bhi nahin milti hai.... sirf rehasya ban kar reh jaati hai ki woh insaan aakhir gaya kahan.....

kaamp sa utha tha nikhil yeh sab sunkar lekin jald hi apne ko sambhalte hue bola: arey yaar raghav chor na yeh sab baatein kyun dimag ka dahi bana raha hai......hum log yahan picnic manane aaye hai uska maza kharab na kar.....chal main apne doston ko bula raha hoon hum ander jaana hai....theek hai na.....

nikhil ne apne doston ko awaz di ki sab theek hai........

itne mein raghav phir bola: soch lo sahab.....ab bhi waqt hai.......

thoda sa gusse mein aa gaya nikhil ab: abey dekh mere bheje ko kharab na kar theek hai na......sale ek ulte haath ka doonga na to sale yehi mar jaayega......dimag mein baitha le is baat ko.....

raghav: mare hue ko kya maroge sahab !!!!!!

is baar to jaise poora upar se neeche tak sihar sa gaya tha woh yeh sunkar......itne mein sabhi udurr aa gaye ......

bunty: kya hua nikhil.......hum nader jaa sakte hai ya nahin....????

nikhil: haan chalo yeh raghav hai ..... yahan ka chowkidaar.....is haveli ki raksha karta hai.....chalo chalte hain....

arun: waise itni der se tum log baat kya kar rahe the????

nikhil: kuch nahin bhai yeh aise hi phalto ki bakwas kar raha tha ki yeh hai woh hai aisa hai waisa hai........

nikhil ne sari baat unko batai.......yeh sab sunkar sabhi log thoda sa darr gaye lekin kisi ne apna darr jaahir nahin kiya........

ajay: hmmm ho sakta hai ki sach bhi ho yeh baat......uski baaton ko itna normally nahin lena chahiye hame.....

payal: main to kah rahi hoon ki waapis chalte hain......kyun bekaar mein hi
risk lena hai.......

karan: arey yaar abhi ander aa hi gaye hain to thoda aish karte hain..... zara is haveli ko to dekho.....uuufff kayamat hai yeh to.....kya nakkashiyan kar rakhi hai deewaron par......

ajay: kasam se yaar aisa lagta hai ki kisi bahut hi bade raja maharaja ka mahal ho yeh......kaafi amir insaan hoga is haveli k maalik.....

arun: sahi mein yaar.....ooohhh kaash hum is haveli ke maalik hote to maza aa jaata.......

julie: yeh haveli kuch ajeeb si hai.....kafi darawani hai....

nikhil: woh to hoyegi na....itni purani hai....lekin hai mast haveli....tum log dekho main zara aata hoon.....

bunty: kahan jaa raha hai????

nikhil: bus yunhi yaar zara bahar jaa kar sutta laga kar aata hoon....

arun: sahi hai mere paas nahin lagana sutta....bahut maar khaayega....

nikhil bahar aa gaya ciggrette lagane ke liye....

nikhil: kya raghav bhai itni mast haveli hai yaar.....haan thodi darawani zaroor hai lekin dekhne laayak hai.....

raghav: haan maut ki haveli aisi hi hoti hai......pehale mann ko lubhati hai phir maut ki god mein sulati hai......

nikhil: arey rehane de na yaar.....aur tu har baar mooh doosri taraf karke kyun khada rehata hai......aamne saamne baat kar na.......

raghav: nahin sahab is baar jo main palta to aap is duniya se poalat jaaoge....

nikhil: ey chal na......saamne aa aur baat kar....thodi der hi sahi....bus yeh sutta khatam karke main bhi ander jaa kar apne doston ke saath gappe marta hoon......

raghav: waapis to jaaooge sahab lekin zinda nahin !!!!!

nikhil: abey tu darana band karega.....chal saamne aa

raghav palta aur uski shakal dekh kar nikhil ke hosh ud gaye......kuch samajh mein nahin aa raha tha.......saamne khade raghav ki shkal hi kuch aisi thi.......uske chehare par kuch nahin tha......na aankhein na naak na kuch.......uska chehra ekdum saaf tha....he had no features on his face.....

kaamp kar reh gaya tha nikhil.........waapis jaane ke liye palta hi tha ki kuch aur aakritiyan uske saame aayi jo raghav jaisi hi thi.....

raghav: maine kaha tha na sahab yahan se chale jaao......nahin to koi bhi zinda nahin bachega.....sab maroge.....

woh aakritiyan nikhil ki taraf badi aur aur unke karne se pehale hi uske dil ne dhadakana band kar diya........aisa drishya dekh kar to kisi ke bhi dil ne uska saath chor jaana tha.......

ander sabhi ghoom rahe the ki julie boli: yeh nikhil kahan reh gaya ab????

payal: pata nahin itni der kyun laga raha hai !!!!!

tabhi nikhil ander aaya: arey main aa gaya yaar......

sabhi palte.....bunty bola: yeh iski aawaz ko kya hua hai.....????

nikhil: aah kuch nahin yaar....sutta chorne ka hai....gala kharab ho gaya hai sala.......

isi ke saath sabhi ko is baat ka ehsaas to hua ki usme kuch badla hua tha.....

karan: arey andhere mein kyun khada hai....saamne to aa na.....chal abhi upar ka floor bhi dekhna hai.......

nikhil andhere se nikal kar roshni mein aaya aur........

Jaise hi nikhil roshni mein aaya uska sir abhi bhi neeche ko dekh raha tha.......

Ajay: abey thobda to upar kar meri jaan!!!!!!

bunty: sahi baat hai.......hum se kahe mooh chipa raha hai.....????

nikhil apna chehra upar uthaya aur uske chehare ko dekh kar sabhi ke hosh ud gaye.........kisi ko kuch samajh mein nahin aa raha tha......sabhi ke pairo ke neeche se mano zameen khisak gayi hi........

uska chehre par kai ghaav bane hue the......aankhein suji padi thi...... aankhon mein jaise khoon utra hua tha......koi bhi uski is shakal ko dekh kar yeh kah sakta tha ki woh nikhil mar chuka hai.........aur is bhootiya haveli ne apna roop dikhana shuru kar diya.........

charo taraf ka manzar badalne laga tha......jitni bhi nakkashiyan aur rang dikh rahe the sab gayab ho raha tha aur uski jagah dikh rahi thi tooti phooti deewarein......charmarati hui sidiyan(stairs)......charo taraf ka drishya khaufnak ho utha tha.........bahar kaale badal bhi cha gaye the aur
har taraf ka manzar kisi bhi insaan ke dil ko rok dene wala tha........

arun: yeh........yeh.......yeh kyaa???? nikhil.......to.....

nikhil: mar chuka hai........yeh nikhil jo tumhara dost nahin hai....yeh ab hamare jamaat mein aa gaya hai.......

uske gale se jo awaaz nikli use sun kar sabhi ke jaan atak gayi thi.....sabhi ko jahan bhi jagah mili usi taraf daud liya..........

wahan khade nikhil ke gale se tahake nikal rahe the......uski karkash awaz sunkar ko sun kar sabhi thar thar kaamp rahe the.........kisi ko kuch samajh nahin raha tha.............

bhagte bhagte Julie ne apne aap ko bathroom mein band kar liya tha...... darr ke mare uski halat bahut kharab thi........usko kuch samajh mein nahin aa raha tha.........darr ke maare haampf rahi thi woh.......dil tezi se dhadak raha tha.......

woh washbasin ki taraf ke taraf badi haath mooh dhone ke liye badi...... poora sharir uska pasine se bheenga hua tha........

Julie(sochte hue): hmpf.....yeh sahi nahin ho raha hai......nikhil mar chuka hai.....yeh..........yeh..........

achanak sochte hue usne nalke ki taraf dekha.........us mein se paani ki jagaha khoon nikal raha tha........

cheekh nikal gayi Julie ki........ek bhayanak cheekh.........upar se neeche tak sihar sihar kar reh gayi thi woh yeh sab dekh kar........thoda peeche hathi aur aisa laga ki kisi cheez se takrayi woh........darr ke maare bura haal tha........dil ki dhadkan tez hoti jaa rahi thi.............

tabhi use kahin se awaz sunai di.........

nikhil: Julie, maut se koi nahin bacha hai aaj tak........na koi bachega.......
mujhe dekh le.........main bhi marr gaya jab ki main zinda rehana chahta tha........lekin kya hai na ki taqdir sabki hoti hai......maut to bin bulayi mehmaan hai.....kabhi bhi kahin bhi aa jaati hai........abhi tera waqt hai Julie........abhi tera waqt hai.........

Julie:NNNNNNNNNAAAAAAAAAAAAAAAAAHHHHHHHHHHIIIIIIIIIIINNNNNNNN

bathroom ki khidki ki taraf dekhte hue achanak Julie ne nikhil ka kata hua sir dekha........ekdum shaant.........bekhauf..........soya hua sa.........

uski taraf dekh kar Julie kahin purani yaadon mein kho gayi......lekin jald hi hosh ko sambhala.....aur achanak hi us sir ki band aankein khuli aur unme se khoon beh raha tha.......yeh sab dekh kar Julie ki cheekh nikal gayi...........

nikhil: darr mat Julie.........tere ko maarne ke liye pret yahan aa chuke hain.......wohi hai jo ki tere ko apna niwala banayenge........jo ki tere ko maut ke mooh mein pahinchayenge......main to tera dost hoon.....aisa nahin karunga........

julie: tu dost nahin hai ab kisi ka bhi.........tu sirf dushman hai........aur kuch nahin hai nikhil..........tu sirf dushman hai hum sab ka..........

nikhil ke chehare ke bhaav sakht ho gaye aur bola: to theek hai na........ maut ke baad waise bhi kisi ka bhi kisi se koi rishta nahin rehata.....tere ko to marna hi padega abhi........teri maut inhi preto ke hathon likhi hai.....
jaa tere ko meri taraf se maut ka vardaan deta hoon.......

itna kehte hi woh pret Julie ki taraf jhapte.......aur unhone Julie ke sharir ke itne tukde kiye ki unhe gin bhi paana mushkil tha......dard se chikti Julie jald hi shaant ho gayi..........

poore bathroom mein aisa lag raha tha ki khoon ki nadi bana di gayi ho.......uski laash ke saikro tukde pade hue the wahan.........

Julie ki dardnaak cheekhon ne poori haveli ko hila diya tha.....jo bhi us waqt us haveli mein mazood tha sabhi ne uski chikhein suni thi.....sabko is baat ka poora yakeen tha ki Julie ab zinda nahin thi.........har koi apni apni jagah par baitha sirf afsos kar raha tha ki koi kuch na kar saka use bachane ke liye.....

aur aage bhi sab yehi soch rahe the ki kaise kisi ki madad ki jaaye.....har koi alag alag jagah par tha aur kisi ko nahin pata tha ki kaun kahan hai.....har koi is haadse se dara aur sehama hua tha......kisi ke samajh mein kuch nahin aa raha tha ki kya kiya jaae yahan bach nikalne ke liye........

lekin woh yeh baat nahin jaante the ki is haveli mein jisne bhi kadam rakha zinda waapis nahin gaya.......haveli uske poore wajood ko nigal jaati thi.....

doosri taraf Payal jis kamre mein band thi uski kamre ki shakal kuch ajeeb si thi.........salon se band pare is haveli ka naksha theek waisa hi tha jaisa ki ek bhootiya haveli ka hona chahiye........lekin jab sab aaye the tab aisa nahin tha..........

Payal kaafi dari hui thi........kamre ek kone mein baithi hui thi woh.....maut
ka darr sabhi ko tha lekin koi bhi kuch kar nahin paa raha tha.....pehale Nikhil aur phir Julie........sab yehi soch rahe the ki kya kiya jaae bachne ke liye........

Payal ne thodi si himmat ki uthi apni jagah se.....woh dekh rahi thi kahan se kaise bach kar nikla jaa sakta tha.....kyunki ho sakta hai ki agar kamre se bahar nikli to Nikhil aur Julie ki aatmayein ho sakta hai use bhi maar daale.......

lekin use yeh nahin pata tha ki maut to kahin se bhi aa sakti thi.......woh uth kar idurr udurr dekhne lagi.......tabhi uski nazar ek tasveer par gayi....
kaafi purani tasveer thi woh......ek aadmi ki thi jo ki kisi raja maharaja se kam nahin lag raha tha....kaafi jaani pehchani shakal lag rahi thi use aadmi ki.........woh kamre ka muayena karne lagi.....kuch aur tasveerin bhi dikhi use.......

ek jagah tasveer ko dekh kar ruk gayi........kaafi gaur se dekhne lagi woh us tasveer ko achanak hi cheekh nikal gayi thi uske mooh se.........uski cheekh ne poore haveli ko gunja kar rakh diya tha......

baaki jagaho par band ajay, karan, bunty aur arun ne bhi suni thi uski cheekhein.....unhe laga ki woh bhi mar gayi hai.......lekin aisa nahin tha....

us tasveer ki aankhon se nikalte khoon ke aansoo dekh kar cheekh padi thi woh.......pehale se jo itni dari hui uska kaleja yeh sab dekh kar mooh tak aa gaya tha..........

kuch kadam peeche hati aur darwaze se jaa chipki......darr ke maare bura haal tha uska......wahan sehami hui khadi thi......achanak use apne pairo ke neeche kuch geelapan mehsoos hua.....woh wahan se ekdum se hat gayi.......

doosri taraf sab yehi soch rahe the ki kaise is musibat se chutkara milega..
kaise yahan se bachkar nikal sakte the........lekin nikala sabhi ko ek saath tha.....lekin raasta kisi ke samajh mein nahin aa raha tha.......

Payal ne dekha darwaze ke neeche se khoon nikal raha tha.......uski dhadkan aur bhi tez ho gayi thi......woh wohi pade us bed par jaa kar baith gayi.........

use aisa laga ki bed par uske saath aur bhi koi hai......palatne ki koshish ki usne....himmat nahin ho paa rahi thi........thodi himmat kar ke palat kar dekha usne.......to use laga ki doosri taraf mooh kar ke koi leta hua hai.....




usne darte hue use haath lagaya........aur woh jo koi bhi tha palta........aur is baar Payal ke hosh ud gaye........waapis doosri taraf palti to dekha wahan khadi us aakriti ko jisne apne haath mein apna hi kata hua sar rakha hua tha.......

Payal to is baar cheekh bhi nahin paayi thi.......wohi bed par baithi reh gayi.......ab na to woh woh hil rahi thi na kuch kar rahi thi.......itna khauffnak manzar dekh kar uski dil ki dhadkan ruk gayi thi.......

Doosri taraf buddha baba jo tha woh soch raha tha: yeh bachche abhi tak aaye kyun nahin hain........lagta hai yeh sab wohi the.......wohi the yeh sab!!!!!!!!

maut ajay, karan, bunty aur arun ke sar par mandra rahi thi.....kai khuaffnak manzar ek saath dekhe the aaj unhone........aur aage kitna dekhna baaki tha yeh koi nahin jaanta tha.........

and Ajay thanx for the comments lekin tum next time se comment us purane wale topic mein hi daalna jiska heading HAVELI hai.......theek hai??

Har taraf sannata chaaya hua tha........abhi sirf reh gaye the Arun, Bunty, Sagar aur Karan. kisi ke kuch samajh mein nahin aa raha tha ki kya kiya jaaye. Doosri taraf Arun ne apna mobile nikala aur baakiyon ko dial karne ki koshish ki....lekin wahan par signal hi nahin aa rahe the......

Arun: damn it.....sala signal bhi nahin hai is jagah par.....abhi doosro se kaise contact karoon yeh nahin samajh mein aa raha hai.....

doosri taraf Bunty, Karan aur Ajay bhi yehi soch rahe the ki tabhi unhe Arun ki awaaz sunai di......

Arun: KARAN..........BUNTY.............AJAY...............

teeno ne Arun ki awaaz suni aur sabke chehare par khushi ke bhav the.....
Arun ki awaaaz phir se aayi.......

Arun: AGAR TUM LOG MERI AWAZ SUN RAHE HO TO SABHI MERE KO MAIN DOOR KE PAAS MILO.........JAHAN BHI HO KAISE BHI WAHAN PAHUNCHO..........

awaaz to sabhi tak pahunch gayi thi........sabhi soch rahe the ki kahin kuch gadbad na ho jaaye wahan tak aate aate......Karan jo ki ek kamre me bed ke neeche chupa hua tha wahan se nikla aur bhaaga main door ki taraf.....

Ajay bhi almari se nikal kar bahar bhaaga.......aur Bunty bhi jo ki basement mein tha wahan se nikalne ki raah dekh raha tha.......kaafi andhera tha aur kuch dikhayi ya samajh nahin aa raha tha...... Arun bhi jisne apne aap ko kitchen mein band kar liya tha bahar ki taraf bhaaga....

main darwaze tak pahunchna aasan bhi nahin tha.......haveli kaafi badi thi aur andera tha har taraf.......jisko jahan soojh raha tha bhaag raha tha apne manzil tak pahunchne ke liye......

Bunty abhi bhi basement se bahar nahin nikal paaya tha......basement mein kaafi saman pada tha aur aur jagah faila pada tha.....bahgte hue Bunty kisi lohe ki cheez se takraya aur gir pada.....

Bunty: aaaahhhhhh.....uuugghhh.....kaise nikloonga yahan se.....andhera bhi itna ho rakha hai ki kuch samajh mein nahin aa raha hai....uuff

ladkharate kadmo se utha Bunty aur phir ek taraf chal diya....

Bunty(sochte hue): main.....main kis jagah se ander ghusa tha....... jaldbaazi aur hadbadi mein itna bhi dhyaan nahin diya...... aahh kaise nikloonga yahan se main......

tabhi use ek ajeeb si awaaz sunai di.....ek awaaz jo kisi ke bhi khoon ko sukha dene ke liye kaafi thi.....

woh awaaz: tum yahan se nahin nikal sakte.....sirf tumhari aatma hi nikal sakti hai.....

Bunty: k...k.....kaun hai????? Kaun hai saamne aaaoo !!!!!!

woh aakriti saamne aayi to bunty ke hosh ud gaye.....woh kuch der liye jaise ek jagah titak ke reh gaya tha.......hawa mein use dikhayi di thi woh udti hui aakriti.......




bunty bhaagte hue phir se phisla aur zameen par padi keelein uske sharir ke kai ango ko chalni karti chali gayi....karah utha tha woh.....

aur phir ek dum se woh aakriti hawa mein gayab ho gayi........bunty poora zor laga kar phir se ek taraf bhaga.....lekin andhere mein kuch dikhayi nahin de raha tha theek se.......woh sirf wahan se nikalna chahta tha......tabhi kahin ek jagah aa kar uska per dhans gaya.......

Bunty: ye.....ye....yeh kya hai ab???? yeh kaisi cheez hai jo mere ko ander khinchti jaa rahi hai......

bunty jitna bachne ki koshish kar raha tha utna hi dhansta jaa raha tha....

Bunty: uuufff yeh to daldal jaisa lag raha hai.......lekin.......lekin is haveli mein daldal kahan se aa gaya.....yeh nahin ho sakta........nahin...... NNNAAAHHIIINNN.......

use kya pata tha ki is bhootiya haveli mein kuch bhi ho sakta tha....

aur Bunty us daldal mein sama gaya aur phir zameen samanya ho gayi....

Bunty ki us aakhri cheekh ko sabhi ne suna tha jo ki darwaze ki taraf bhaag rahe the.........ekdum se ruk gaye.......

Arun: nahin.....bunty.....bun.....o god

Karan: o no yeh to bunty ki awaaz thi.....

Ajay: ouf kya bunty bhi.....?????

sabhi ko itna samajh to aa gaya tha ki bunty bhi mar chuka hai....sabhi ne phir se darwaze ki taraf bhaagna shuru kiya.......tabhi achanak bhaagte bhaagte Arun kisi se jaa takraya.......

Bhagtee bhagte Arun jaa takraya tha kisi se us andhere mein.....takkar kha kar dono kuch door jaa gire.....us karah ko Arun pehchan gaya tha jo ki dono ke takkar lagne se doosre shaksh ke mooh se nikli thi.......

Arun: Karan !!!!

Karan: arey Arun......main to socha pata nahin kaun hoga.....

thoda sa chaand ki roshni mein aaye dono......

Arun: lekin yeh Ajay kidurr reh gaya????

Karan: pata nahin aana to use bhi chahiye tha.......abhi to hum darwaaze tak bhi nahin pahunche hain........yeh kahan jaa chupa tha........

Arun: uuff pata nahin.....kahan reh gaya hai yeh.........ek ek karke sab mar chuke......Nikhil, Payal, Julie, Bunty....sab.........

Karan: hamari ayyashi ne hume maut ke mooh mein pahuncha diya..... abhi is Ajay ka thoda yehi wait karte hain........

Arun: haan sahi baat hai.......uske aane ke baad hi chalenge......

lekin unko kya pata tha ki Ajay ek aisi duvidha mein phans gaya tha ki use bhi samajh mein nahin aa raha tha.......darwaaze ke taraf bhagte hue Ajay ko ek dum ruk jaana pada tha.........saame koi khada tha....doosri taraf mooh karke.......koi jaana pehcahna sa.......

Ajay: ummm tum......tum......P....P....Payal.......

Payal palti aur usko dekh kar Ajay ke hosh ud gaye.....uska wajood hil gaya tha use dekh kar.......uski shakal hi aisi thi........




achche achche ke dil ko dehla dene wali awaaz mein payal boli: haan main tujhe lene aayi hoon Ajay.....aakhir hum sab pakke dost hain na...... chahe marne se pehale ya marne ke baad........

Ajay: nahin.....na.....na.....nahin.....main kahin kisi ke saath nahin jaane wala......

peeche ki taraf jaata Ajay achcnak ruk gaya.....peeche chalte hue achanak takraya kisi cheez se.......

palat kar dekha..........to uski anteraama tak hil gayi.....peeche khada tha Bunty........

Ajay ke poora sharir kaamp gaya tha......hil sa gaya tha woh Bunty ko dekh kar.......




Ajay: B......B......B.....Bunty.......t......t........tu.....

Bunty: haan Ajay yeh sahi kah rahi hai.....aakhir hum doston ek saath rehane ki kasam khayi thi.....chahe bura waqt ho ya achcha....chahe zindagi ho ya phir maut ke baad......

Ajay: NNNNNNNNNAAAAAAAAAAAAAAHHHHHHHHIIIIIIIIIIIIIIINNNNNNN

Ajay ki cheekh Arun aur Karan ke kano mein bhi padi thi......

Arun: yeh ............yeh.......yeh to Ajay ki cheekh thi......lagta hai woh musibat mein hai......

Karan: haan.....jaldi chalo awaaz ki disha ki taraf........pata nahin kis musibat mein hoga woh.......

dono chal pade the jahan se awaaz aayi thi......waqt kam tha unke paas aur faasla lamba tay karna tha kyunki us andheri haveli mein kuch bhi ho sakta tha.......

doosri taraf Ajay ke mano sharir ko saamp sungh gaya tha...... jab usne dekha uske paas aate kai ajeeb se keeron ko.......maut ban kar uski taraf badh rahe the woh lakhon ki sankhya mein woh ajeeb se keere....... dheere dheere uske sharir par chadna shuru kar diya unhone......

Ajay unko hatate hue chilla raha tha: HAT JAAOOO AAAAGGHHH....HATO...

lekin woh jitne hata raha tha usse kahin zyada woh uske sharir par chadte jaa rahe the.....uske jism ko nochna shuru kar diya tha unhone....

Ajay ke gale se dardnak cheekhein poore haveli ko gunja rahi thi.....

Doosri taraf Arun aur Karan uski cheekhein sun kar aur bhi tezi se uski taraf bhaag rahe the.......

Ajay ki dardnak cheekhein jald hi shaant ho gayi...........un keeron ne uske jism ka poora maans noch liya tha.........



ek aur laash wahan par thi ab........bhagte hue Arun aur Karan wahan pahunche lekin bahut der ho chuki thi.........

Arun: uuff nahin......

Karan: aahh Ajay bhi gaya.....hum bhi nahin bachenge......

Arun: nahin Karan hume koshish to karni padegi yahan se nikalne ki.....

Tabhi poori haveli mein bhayanak hansi goonjane lagi.......Arun aur Karan darwaaz ki taraf ek phir se bhaagne lage........lekin shayad kismat unke saath nahin thi..........

Jaise hi woh bhaag rahe the achnak unko ruk jaana pada......koi jaana pehchana sa unke saamne khada tha..........

achanak bhagte bhagte Arun aur Karan ruk gaye........saamne khade us shaksh ko dekh kar unki aankhein fail gayi.......

Arun: b....ba....baba tum yahan kaise?????

buddha baba: bus beta main tum logon ko bachane ke liye yahan aaya tha....

Karan: lekin baba tum yahan ander kaise aaye.....aur abhi apne doston mein se koi bhi nahin bacha hai......sabhi mar gaye hain.....

itna kehate hi Karan ki aankhon mein aanso aa gaye.......

buddha baba: main jaanta hoon ki woh sab nahin bache hain......aur.....AB TUM DONO BHI NAHIN BACHOGE........

itna kehane ke saath hi us buddhe baba ki awaz mein badlaw aa gaya..... aur saath hi saath uska roop bhi badalne laga......





uske is badlaw ko dekh kar Arun aur Karan ka poora astitva hil gaya.....
unko kuch samajh mein nahin aa raha tha ki kya karein..... woh is haveli ke mayavi jaal mein phanste jaa rahe the...........

Karan: A....A....Arrr....Arun ab kya karein yaar???? yeh sab ho k....kya raha hai????

Arun: kuch nahin pata Karan....lekin hame yahan se jald se jald baha nikalna hoga.....abhi subah hone mein bhi zyada waqt nahin hai.....aur suraj ki roshni dharti par padte hi hai yeh sab shaant ho jaane wala hai.....

itne mein hi unko ek aur awaz aayi: jitni der mein suraj nikalega utni hi der mein tum dono ki jaan bhi nikal jaayegi.....

Dono palte aur jahan the wohi jad ho kar reh gaye........saamne ka drishya hi kuch aisa tha.........jiske seene mein chahe jitna bhi mazboot dil hoga woh us shaksh ko dekh uska dil dhadakna zarur band kar dega....










badhawas se dono ek taraf bhaage.....kuch nahin maloom tha ki kahan jaa rahe hain....koi manzil nahin thi.......bus daudte chale jaa rahe the bhayanak manzaron se bhari us haveli mein.......achanak ek jagah jaa kar ruk gaye.....unhe dikhayi padne laga bachne ka raasta.....lekin woh sau fi sadi pakka nahin tha kyunki us khidki se bahar jhaante hi unhe dikhayi diya kabristan......jo ki zyada bada nahin tha.........lekin bhayanak tha....

Arun: dekh Karan ho sakta hai ki hum bach jaayein......ho sakta hai nahin bach paayein.....kuch kaha nahin jaa sakta........lekin jahan itni musibaton mein phanse hue hain.....wahan par ek baar aur jaan ki baazi lagani padegi.......

Karan: main samajh gaya ki tu kya kehana chah raha hai Arun......apne paas raasta to koi nahin hai........lekin koshish karne mein kya jaata hai....

Dono ne us khidki ke bahar chalang laga di.....seedha ek kabra ke paas jaa kar gire dono......lekin jald hi sambhalte hue khade hue......aur ek baar palat kar us haveli ki taraf dekha........jisne unke sabhi doston ko nigal liya tha........un doston ko jo bachpan se le kar aaj tak saath the...... lekin aaj sabhi bichurr gaye the........woh haveli nigal gayi thi unhe...... dono ki aankhein nam ho uthi purani baatein soch kar......jald hi apne aap

ko sambhalte hue bola Arun: chal Karan is manhoos haveli ko dekhna bhi nahin chahiye......sab kuch khatam kar dala hai is haveli ne.......sab kuch....chal yahan se ab kuch bhi nahin bacha hai.....lekin jald hi hame police ko le kar lautna hoga.......taaki hum kum se kum apne doston ka antim-sanskar to kar paayein.....chal yahan se.......

Kabristan ki bhayanakta dekhte hi banti thi.......har kadam soch samajh kar rakhna pad raha tha unko.....kahin se bhi koi bhi durghatna ghat sakti thi.......kuch bhi ho sakta tha.......






lekin aisi shaitani jagah par chahe jitna bhi sambhal kar chala jaaye, shaitan bhi nahin chorte hain peecha kisi ka..........

bahut sambhal sambhal kar kadam rakh rahe the dono......manzil kuch hi door thi unse........aur suraj nikalne mein abhi bhi aadha ghanta bacha tha.......sirf us aadhe ghante tak unko apne aap ko bacha kar rakhna tha......

lekin kehate hain aadhe second mein duniya kitni hi baar tabah ho kar phir se bas jaaye.........yahan to phir bhi bahut waqt tha......

chalte hue achnak Arun cheekh utha: AAAAAAHHHHHHHHH....

Karan: kya hu Arun???? kya ho gaya????

kehate hue usne Arun ki taraf dekha to uski saans ruk gayi.....uski aankhein us drishya ko dekh failati chali gayi....kisi ko bhi hila kar rakh dene wala drishya tha woh.....usne Karan ke poore wajood ko hila kar rakh diya......

wahan Arun zameen par gira hua tha aur uska per(leg) ek kankaal haath ne pakar rakha tha jo ki wohi paas ki kabra se bahar nikla hua tha.....kai kharonche bhi Arun ke paaw mein lag gayi thi.....woh dard se chilla raha tha.....

Karan: ouf Arun...ye......yeh kya???? aisa lag raha hai yeh kaali raat humko nigal kar hi choregi.......

Arun(chillate hue): Tu bhaag jaa yahan se Karan!!!!! tu bhaag jaa.....dekh....
aas paaas dekh kabre fatni shuru ho gayi hai.....yeh kankaal nikal kar hum dono maar denge....tu kam se kam bach kar nikal yahan se aur police ko le kar aaa......

Karan: nahin Arun main tere ko chor kar nahin jaaoonga.....kisi bhi haalat mein nahin jaaoonga.....chahe jo hoga dekha jaayega lekin tere ko maut ki haveli mein chor kar nahin jaa sakta.....

sabhi taraf ki kabrein fatni shuru ho gayi thi aur usme se kankaal nikal nikal kar un dono ki taraf badh rahe the ek bhyanak maut dene ke liye....

bachna mushkil hi nahin namumkin lag raha tha.......

Arun: Karan samay mat barbaad kar.....BHAAG JAA YAHAN SE......

Karan par jaise Arun ki baatoon ka koi asar hi nahin ho raha tha.....use to bus uski jaan bachani thi kyunki sabhi dost ek ek karke maare jaa chuke the.......

Karan: nahin Arun jab tu bhi nahin bachega to aur dost hoga hi kaun mera phir......sab chorkar jaa chuke hai hame.....koi bhi nahin hai ab.......

Arun ka dard badta jaa raha tha.....Karan wohi paas mein pade phawde ko uthaya aur zor se us kankaal haath par de maara......haath toot kar alag ho gaya aur Arun azaad ho gaya......lekin bhaag woh abhi bhi nahin sakta tha kyunki woh buri tarah se zakhmi tha.......

Arun: aahh ab bhi subah hone mein 15 min bache hai......yahan se ek baar bahar nikal gaye to bach sakte hain.......

lekin har taraf se badte hue kankaalo ko apne paas aate dekh wahan se bach kar nikalna mushkil tha.........

Karan: inko waapis kabra mein pahuncha doonga......

gusse se pagal ho utha tha woh.....phawda abhi bhi uske haath mein tha.....woh paaglonrah phawde ko idurr udurr ghooma raha tha...... uske sar par junoon sawar ho chuka tha.........kisi ne bhi Karan aisa roop kabhi nahin dekha tha.......

Arun: nahin Karan hum in murdon se nahin jeet sakte.....bhalai isi mein hai ki yahan se bach kar nikal jaayen.......

Karan: NAHIN ARUN IN KAMINO KO MAIN SAZA DOONGA......APNE SABHI DOSTON KI MAUT KA......CHORUNGA NAHIN INHE........

Arun: pagal mat ban Karan........yeh pehale hi se mare hue hain.........tu kuch nahin kar sakta hai......bhaag nikal yahan se..........

lekin jab tak woh wahan se bhaagne ka raastaa dekhte......sab raste band ho chuke the......

un kankalon ne unhe har taraf se gher liya tha.....bachne ka koi raasta nahin tha.....

Arun: lagta ab apna waqt bhi poora ho gaya hai.........

Karan: haan ab hum bhi nahin bachenge.........kankalon ne un par jhaptana shuru kar diya aur kai laashein bhi thi un murdon mein se jo ki unke maans(skin) ko nochna shuru kar diya tha.........

dono ki cheekhein poori haveli ko gunja rahi thi.......kai aisi shaklein thi un murdon mein jinhe dekh kar hi achche achche ka kaleja kaamp uthta.....

unhone unke sharir ko cheer dala tha aur dono apne hi khoon ki nadi mein naha rahe the......us bhayanak maut ke nazare ko dekh kar to kisi ka bhi kaleja kaamp uthta......kuch der mein sab kuch shaant ho gaya......murde bhi apni apni kabra ki taraf laut chale.........buri tarah se kata phata unka sharir wohi pada tha...ek dum shaant aur bejaan..........

ek bhayanak raat ka ant ho chuka tha.....us haveli ne 7 doston ko nigal liya tha........subah ki pehali kiran us haveli par padi......lekin abhi sab kuch pehale jaisa hi lag raha tha......jaise ki kuch hua hi na ho..........

phir se ek naye subah ki shuruat hui.........

aur wahan se kuch kadmo ki doori par khade the woh saath dost us haveli ko dekhte hue jo unke liye maut ki picnic ban gaya tha......

aur wahan se door khada tha woh buddha baba.....abhi tak to usne unki raah dekhni bhi chor di thi kyunki use pata chal chuka tha ki woh sab dost maut ke mooh mein jaa chuke hain......

User reviews

Average user rating from: 2 user(s)

To write a review please register or log in.
Overall rating 
 
3.5
Plot 
 
3.0  (2)
Originality 
 
2.5  (2)
Characterization 
 
3.0  (2)
Exposition 
 
3.5  (2)
Dialogues 
 
3.5  (2)
Flow 
 
4.0  (2)
Pace 
 
4.0  (2)
Overall Rating 
 
3.5  (2)
Recommend 
 
4.0  (2)
 
Haveli 2008-12-14 22:23:05 farhan khan
Overall rating 
 
3.1
Plot 
 
2.0
Originality 
 
2.0
Characterization 
 
2.0
Exposition 
 
2.0
Dialogues 
 
3.0
Flow 
 
5.0
Pace 
 
5.0
Overall Rating 
 
3.0
Recommend 
 
4.0
selective Reviewed by selective    December 15, 2008
Top 500 Reviewer  -   View all my reviews

haveli..............

wahan khadi thi woh haveli jisko dekh kar hi koi bhi kaamp jaayega...kisi ka bhi astitva tak hil jaata tha us bhayanak haveli ko dekh kar...sunsan jagah par khadi woh haveli...kuch der to sabhi chuo rahe... phir ek bola " yaar aisi jagah ye haveli banata kaun hai?"

Haveli 2008-10-17 17:22:32 Mohit Sharma
Overall rating 
 
3.8
Plot 
 
4.0
Originality 
 
3.0
Characterization 
 
4.0
Exposition 
 
5.0
Dialogues 
 
4.0
Flow 
 
3.0
Pace 
 
3.0
Overall Rating 
 
4.0
Recommend 
 
4.0
TRENDSTER Reviewed by TRENDSTER    October 17, 2008
Last updated: October 17, 2008
Top 10 Reviewer  -   View all my reviews

Wow!

Bravo! Nikhil bro. Every scene was scary. Though, similar stories are made earlier but this ones too good. Also narration and dialogues were superb.

 
Powered by JReviews