Friday, December 19, 2014
| FAQ | Tutorials |
   
Text Size
 
 

Survivors Hot

Story Attributes

Genre
Science Fiction
Characters
  • Bheriya
  • Bhokal
  • Doga
  • Inspector Steel
  • Nagraj
  • Parmanu
  • Super Commando Dhruva
  • Tiranga
Other Characters
Baba Gorakh Nath, Dhananjay, Natasha, Richa, Shera, Sillu, Visarpi, Vishank
Other Villains
Cyborg, Overlord, Typhon,
Status
Complete

Panel:1
NarrationThis story showcases a battle between our heroes and Cyborgs led by Overlord. In Cyborgs ne duniya ko tabah karke uspar kabza jama liya hai aur us duniya ko bachane ke liye hamare heros us se ladte hain.
Dialogues 
Art Directions 


Panel:2
NarrationYeh kahani shuru hoti hai 2035 mein. 3rd world war shuru ho chukka hai aur charon taraf tabahi ka manzar faila hua hai. Ek taraf hai America aur uske allies aur doosri taraf hain saare Muslim nations. India as usual kisi ko support na karte hue, neutral bana hua hai aur dono sides ko urge kar raha hai to end the war.  Dono sides bhi war end karna chahti hain par ek doosre ko khatam karne ke baad. Is war mein dono ka palda labhag barabar hi tha equal amount of forces to match with equally destructive weapons? This war was heading towards a situation where both sides would end up destroying each other until America plays a master stroke by creating a demonic cyborg. This cyborg is as powerful as 20 elephants & is also instilled with ultra demolishing power to destroy it’s enemy.  Aur phir jab America ne cyborg ko apne enemies ke upar attack karne chodha to usne dushmano ke chakke chuda diye aur jeet liya ye war America ke liye. America ab yeh soch raha tha ki world par ab uska raaj hoga bina yeh jane ki uske is plan mein roda atkane ka kaam uska hi ek invention yani ki cyborgs karne wale hain. Cyborgs ne America ko world war ki tension se chudane ke just baad hi un par attack kar diya. America is situation ke liye bilkul prepared nahi tha isliye woh cyborgs ki takat ka samna nahi kar paye. Ab world ke sabse takatwar desh ki hukumat thi cyborgs ke haanton aur is hukumat ko lead kar raha tha un cyborgs ka leader Overlord. America ke upar kabza karne ke baad hi usne aur bahut sare cyborgs bana liye au phir usne chalu kiya apna woh abhiyan jiski Sabhi ko ummeed thi, world conquer karne ka abhiyan. Uska pehla nishana tha France. Overlord ne apni sena ko France upar attack karne bhej diya par wahan uski sena ko uska samna karna pada jiski unhe katai ummeed nahi thi. Unka samna hua Dhruva se, jo ki France apne dada aur tau se milne aaya tha. Dhruva ab France ki sena ke saath milkar cyborgs ka na sirf samna kar raha tha, balki apne insani dimag se woh un cyborgs ke chaake chuda raha tha. Apni sena ka bura haal dekh kar Overlord ne khud hi yudh mein aane ka faisla kiya. Woh war place par pauhunchta hai aur dekhta hai ki Dhruva uski sena ki vaat lagane par tula hai. Isliye usne samne se vaar karne ki jageh chup ke vaar karna behtar samjha. Overlord jakar ek room mein chup gaya aur apne teen sainikon ko Dhruva ke paas bheja use dhoke se us room mein lane ke liye. Un teeno ne wahi kiya aur jab Dhruva us room mein teeno se ladte hue enter hua to Overlord ne Dhruva par aisa vaar kiya ki Dhruva on the spot behosh ho jata hai. 
Dialogues 
Art Directions 

Panel:3
NarrationAb scene shift hota hai 4 saal baad.
Scene chalu hota hai ek seher se jo ki poori tarah se sunsaan hai. Is seher ki galiyon mein machi tabahi ko dekh kar aisa lagta hai jaise tufaan abhi yahan se hoke guzra hai. Is sunsaan seher mein kisi bhi zinda cheez ke hone ka indication nahi mil raha tha, ki tabhi ek veeran gali mein faile hue andhere ko cheerta hua ek insan dikha. Uski lehrati hui chaal dekh kar lag raha tha ki woh koi sharabi hai, par jaise jaise woh paas aane laga uski pehchaan zahir hone lagi. Is insan ka gathila badan bhale hi abhi thoda dheela ho gaya ho, bhale hi uske chere pa halki si dadi ke saath kachre ke thode bahut tukde lag gaye ho. Par gaur se dekhne par yeh pata chal jata hai ki yeh insan koi aur nahi balki Dhruva hai. Yeh Dhruva hi hai jo is gali mein bhatak raha hai. Par uski yeh halat kaise ho gayi aur kaun sa hai yeh seher jahan Dhruva bhata raha hai. Kaise aaya woh is seher mein, aur kyon hai woh akela is seher mein. Kahan gayi uski family, uske dost. Dhruva bhi yahi soch soch kar frustrate ho raha tha, par in sab savalon se bhi zyada agar koi savaal use pareshan kar raha tha to woh tha ki kya hua tha uske saath jab uske upar peeche se vaa hua tha, kaun tha woh jisne Dhruva par vaar kiya tha. Yahi baatien sochte hue Dhruva ka frustration level high par ja chuka tha, aur usi frustration mein woh zor se chillane laga.
DialoguesDhruva: Kahan aa gaya hun main, kya hua hai mere saath koi to javaab do.
Art Directions 
Panel:4
NarrationItna keh kar Dhruva ki aankhon se aansoo behne lage, zindgi mein pehli baar Dhruva toot gaya tha. Rote hue woh ek corner mein jakar baith gaya. Rote hue Dhruva apni frustration nikal hi raha tha ki peeche se uske kandhe par kisi ka haanth aa jata hai. Dhruva palat kar dekhta hai to use dikhayi deti hai Visarpi. Pehle to Dhruva use pehchaan nahi paya, par jaise hi Dhruva ne use pehchana, uske chehre par asha bhari muskaan cha gayi aur tab Dhruva ne kaha ki:-
DialoguesDhruva: Tum, tum Visarpi hi ho na.
Visarpi: Haan Dhruva mein visarpi hi hun. Par..
Dhruva: Visarpi, main kahan aa gaya hun, kahan gaye is seher ke sabhi log, mujhe batao, please mujhe batao kya hua hai mere saath.
Visarpi: Dhruva main tumhe sab bataoongi, par pehle tum mere saath chalo.
Dhruva: Chalo, par kahan.
Visarpi: Dhruva tum chalo to main sab batati hun.
Dhruva: Visarpi main kahin nahi jane wala hun. Pehle tum mujhe batao phir hi main tumhare saath chalunga.
Visarpi: Dhruva zid mat karo.
Dhruva: Zid tum ka rahi ho visarpi. Main yeh jane bina nahi ja sakta ki kya hua hai mere saath. Main kahan aa gaya hun, aur kaise aa gaya hun. Kahan gaye mere parivar wale, kahan gaye mere sare dost, kya ho gaya hai is duniya ko.
Visarpi: Yeh duniya barbaad ho chuki hai Dhruva.
Dhruva: Kya kaha tumne?
Visarpi: Maine kaha babaad ho chuki hai yeh duniya. Khatam ho gayi hai yeh duniya.
Dhruva: Duniya khatam ho chuki hai, par kaise.
Visarpi: Dhruva main tumhe sab kuch bataoongi, par abhi tum mere saath chalo. Is taah khule mein khada rehna hamare liye surakshit nahi hai.
Dhruva: Surakshit nahi hai, par.. Visarpi bhagwan ke liye kuch to batao mujhe.
Visarpi: Dhruva main sab bataoongi, ab chalo.
Art Directions 

Panel:5
NarrationScene ab shift hota hai ek room mein, jahan mahatma kaaldoot aur baba Gorakhnath baithe hain. Sabhi bahut tension mein dikh rahe hain ki tabhi Dhruva aur visarpi ki us room mein entry hoti hai. Unhe dekhte hi baba bolte hain:-
DialoguesBG: Visarpi, aakhir tumhe Dhruva mil hi gaya.
Visarpi: Haan baba, badi mushkilon ke baad, aakhirkar Dhruva mil hi gaya.
Dhruva: Pranam baba, pranam mahatma.
KD: Dhruva, ab kaisa mehsoos kar rahe ho.
Dhruva: Bahut ajeeb.
KD: Ajeeb?
Dhruva: Haan mahatma ajeeb. Mujhe yeh samajh hi nahi aa raha ki yeh sab kya ho raha hai. Kya ho gaya hai is duniya ko, kya hua hai mere saath, kya hua hai is duniya ke logon ke saath.  Visarpi ne to mujhe kuch nahi bataya aap hi bataiye ki kahan gaye mere parivar ke sabhi log, kahan gaya mere dost aur aap sabhi yahan hai to Nagrajkahan hai.
Art Directions 

Panel:6
NarrationYeh baat sunte hi visarpi rote hue us kamre ke ek kone mein chali jati hai
DialoguesDhruva: Visarpi kya hua, tum ro kyon rahi ho. Maine to bas yahi pooncha tha ki Nagrajkahan gaya.
BG: Dhruva use rone do. Gam thoda halka ho jayega.
Dhruva: Gam halka ho jayega? Kis baat ka gam baba?
BG: Wahi to ab hum tumhe batane ja rahe hain Dhruva. Tum janna chahte the na ki is duniya ke saath kya ho gaya hai, hum batate tumhe ki kya hua hai is duniya ke saath.
Art Directions 

Panel:7
NarrationPhir baba ne Dhruva ko batana chalu kiya ki kya hua tha is duniya ke saath uske behosh ho jane ke baad. Overlord ke saath muthbedh mein Overlord ne Dhruva ke upar aisa vaar kiya tha ki woh usi waqt behosh hokar coma mein chala gaya tha. Dhruva ko us halat mein uske dada aur tau wapas India lekar aaye. Par yeh sab hote hote cybro ne poori Europe ke upar apni hukumat faila di thi. Dhruva ke India pauhunchte hi uske sare B.R mitr us ki halat dekhne pauhunche. Dhruva ki yeh halat dekhkar un sabhi ka khoon khaul utha, tab Dhruva ke tau ji ne un logon ko bataya ki dhuva ki yeh halat kaise ho gayi aur kisne ki uski yeh halat. Sare heros ab cybro se Dhruva ka badla lena chahte the aur unki kismet bhi unko aisa hi karne dena chahti thi. Kyonki Overlord poori duniya ko jeetne ke baad ab us iklauti jageh aa gaya tha jahan uska raj nahi tha, yani ki woh India aa chuka tha, aur apni sena ke saath who parliament ki taraf badh raha tha. Nagraj, Doga, Parmanu, Tiranga aur Insp. Steel nikal padte hain apne dost ka badla lene. Parliament ke samne unka samna hota hai Overlord aur uski mashini sena se. ek taraf hai Overlord aur uske Lakhon sainik to doosri taraf hain hamare heros aur hamari Indian army. Shuruvat mein to mukabla barabari ka hi tha, par mashini shaitano, yani ki cybrorgs ke aage hamare army zyada der nahi tik pa rahi hi aur dheere dheere khatam hoti ja rahi thi aur yeh halat to tab thi jab Overlord khul ke yudh mein aaya bhi nahi tha. Doga ne is stithi ko dekha aur phir wahi kiya jo who kar sakta hai. Usne paas mein hi pade do rocket launcher ko uthaya aur danadan unse cybro ki sena ka vinaash karne laga. Overlord jo abhi tak is yudh mein nahi aaya tha, usne jab Doga ka yeh haivani roop dekha to usne khud Doga ko khatam karne ka nishchay kiya. Doga apni dhun mein Overlord ke nanhe Cyborgs sainikon ko nipta raha tha, uske samne ek dum se Overlord aakar khada ho jata hai. Overlord to Doga ko pehchanta hai, par Doga ko yeh nahi malum tha ki yeh in sabhi Cyborgs ka head hai. Doga Overlord ko baki sabhi Cyborgs ki tarah ek aam Cyborgs samajh raha aur yahi bhool ho gayi Doga se, Overlord aam Cyborg nahi tha, kyonki agar woh aam hota to abhi itne sare Cyborgs ka head nahi ban pata. Kher Doga ne samne khade Overlord ko aam Cyborg samajh kar uske saath wahi kiya jo baki ke saath kar raha tha, Doga ne apne paas maujood dono rocket launcher se do rockets ek saath Overlord ke upar daag diye. Lekin jaise hi Doga ne aisa kiya us jageh ek ajeeb se roshni fail gayi, jiski wajeh se kuch palon ke liye Doga sahit sabhi ki aankhien kuch bhi dekh paane ke liye nakabil ho gayi, aur phir jab Doga ne apni aakhien kholi to uska daga hue rocket uski hi aur aakar us se hi takrane wale tha. Doga is tarah ke vaar ke liye bilkul bhi taiyar nahi tha aur na hi aise vaar se bachne ke liye uske paas waqt tha, isliye wahi hua jo nahi hona chahiye tha, dono rockets seedhe Doga ke se takra ke blast ho gaye. Is vaar ne Doga ko adhmari halat mein paunhcha diya tha. Nagraj, steel aur Tiranga Cyborgs se ladte hue Doga se door chale gaye the, par Parmanu ne fortunately Doga ko dekh liya aur turant use parliament ke andar le gaya. Aur phi jab woh bahar aaya to uske samne khada tha Overlord. Parmanu ne Doga ke upar vaar hote hue dekha tha isliye woh samajh gaya tha ki yeh Overlord hai. Phir chalu hua dono ki beech bhishan yudh. Ye yudh tha science ke do behtarin awishkaron ke beech, dono ek doosre ke upar poori shakti se vaar kar rahe the. Parmanu ke vaar Overlord ko thoda bahut damage kar rahe the, pa Overlord ke har vaar ke saath Parmanu ko kafi nuksaan paunhcha raha tha, Overlord ke har ek vaar par Parmanu ka dard badta hi ja raha tha. Par is waqt Parmanu ko apne dard ki koi parwah nahi thi, use to Doga aur Dhruva ke ghayal sharir dikh rahe the, aur who Overlord se apne doston ka badla lena chahta tha. Parmanu Overlord ke har vaar ka jawab dat ke de raha tha aur aisa karte hue un dono ki fight zara lambi khich gayi thi. Overlord is ladai ko ab jald se jald khatam karna chahta tha aur aisa woh tabhi ka sakta tha, jab Parmanu ka dhayan uske upar se hat jaye. Woh is bare mein soch hi raha tha ki uski nazar parliament ki taraf rocket launcher liye khade hue apna ek sainik dikha, usne usi waqt apne sainik ko ishara kiya aur uske ishare par us Cyborg ne Parmanu ke upar ek rocket daag diya, Parmanu ne jaise hi apni taraf ek rocket aate hue dekha, uska dhayan Overlord ke upar se hath gaya, aur isi baat ka fayda uthaya Overlord ne. Parmanu rocket se to bach gaya par jaise hi woh rocket se bach ke palta Overlord ne uske upar kuch waisa hi vaar kiya jaisa usne Dhruva ke upar kiya tha aur usi waqt Parmanu behosh hokar zameen par girne wala hi tha ki Nagrajne use aakar pakad liya. Nagraj, steel aur Tiranga Overlord ki lagbhag aadhi sena ko khatam kar ke wahan aa chuke the. Nagrajaur steel ab Overlord aur uski sena se ladne lage aur Tiranga Parmanu ko utha kar use parliament ke andar le aaya, jahan Doga bhi half dead halat mein maujood tha. Tiranga ka gussa ab saatve asmaan par tha, usne Parmanu ko bhi wahin rakha aur bahar chala gaya. Bahar aane par na to use steel dikha na nagraj, Overlord bhi ab ja chuka tha. Koi tha wahan to Overlord ke sainik. Sare ke sare Cyborgs ab parliament ki taraf badne lage, Tiranga ne akele unhe rokne ki koshish to ki, pa uska rasta rokne aa gaya Overlord ki sena ka ek Cyborg jo ki wahan maujood Cyborgs se kafi zyada takatvar tha. Tiranga us Cyborg se ladne mein busy ho gaya aur baki ke Cyborgs parliament mein ghus gaye. Tiranga hi ab parliament ke andar baithe netaon ki aakhri ummeed tha, par uska samna ek bahut hi tagde Cyborg se tha, kuch der to Tiranga ne us se ladne ki koshish ki par woh Cyborg to khatam hi nahi ho raha tha, infact uske vaar se Tiranga kafi door jakar gira, par jahan Tiranga gira ahan use ek laser gun dali mili. Tiranga jaan gaya ki us Cyborg ko khatam karne ka yahi ek mauka hai. Usne woh gun utha kar us Cyborg par aim hi kiya tha ki tabhi use ek awaaz sunayi di. Yeh awaaz thi hamare apne prime minister ki, jo ki ab baki netaon ke saath cybro ki kaid mein the. Unhone Tiranga se kaha:-
DialoguesPM: Ruk jao Tiranga, rok do yeh ladai.
Tiranga: Rok doon ye ladai, par kyon sir. In Cyborgs ne hamare desh par hamla kiya hai, hum kyon na lade inse.
PM: Kyonki maine aur baki netaon ne cybro ki baat maan li hai, ab India par bhi cybro ki hukumat chalegi.
Tiranga: What? Yeh faisla karne ka haq aapko kisne diya. Is desh ki janta ko kisi ki gulami manjoor nahi. Aur agar aap bhool gaye hon to in Cyborgs ko khatam karne ke liye main aur mere dost abhi bhi zinda hain.
PM: Kaun zinda hai Tiranga. Tumhare sare sathi kis halat mein hain ye tumhe batane ki zarurat hai kya. Isliye yeh khoon kharaba rokne ka yahi tarika hai.
Tiranga: Mere sathi jis bhi halat mein hain, woh in Cyborgs ka samna karte hue us halat mein gaye hain. Aapki tarah jhuke nahi hain who.
PM: Jhukna padta hai Tiranga. Zindagi pyari hai hume apni. Cybro ka saath denge to zinda to rahenge, use khilaaf jayenge to maut pakki hi hai.
Tiranga: Taras aata hai mujhe apne desh ke logon pa, jo unhone aapko is desh ko chalane ki zimmedari di. Par itna aap jaan le Mr. PM aap bhale hi in Cyborgs ke samne jhuk gaye hon par Hindustan abhi nahi jhuka hai, Tiranga abhi nahi jhuka hai.
Art Directions 

Panel:8
NarrationBeech main ek Cyborg bol uthta hai.
DialoguesCyborg: Chalo ab bahut baat kar li, ab chup chap chalo cybro ke paas.  Aur Tiranga jahan tak tere tirange ke na jhukne ka sawaal hai use main abhi jhuka deta hun.
Tiranga: Tiranga kabhi nahi jhukta hai. Apne deshwasiyon ke upar aayi musibaton ka samna karte hue bhi woh tan ke khada rehta hai.  Isliye is tirange ki taqat main aaj tujhe bataunga.
Art Directions 

Panel:9
NarrationItna keh ke Tiranga ne laser gun se sare Cyborgs ke upar vaar karna chalu kar diya, kuch der tak to who survive kar paya. Par Cyborgs ki tadad hi itni zyada thi ki, thodi hi der mein ek Cyborg ne Tiranga ke haath se laser gun chuda ke, us gun se Tiranga ke upar hi vaar kar diya. Is vaar se Tiranga buri tarah se ghayal hokar neeche gir gaya. Ab woh charon taraf se Cyborgs se ghir chuka tha, bachne ki ummeed kam thi, ki tabhi use apne bagal mein ek hand grenade dikhayi diya. Tiranga ne turant us grenade ki pin nikal di aur tab wahan hua ek zordaar dhamaka, charon taraf dhuaan cha gaya, aur jab woh dhuaan chata to us jageh par bas ek hi insan maujood tha, khoon se lathpath, TIRANGA.
DialoguesDhruva: Yani ki Tiranga, mar chuka hai.
BG: Nahi Dhruva, Tiranga abhi zinda hai, pa uski halat kisi mare hue insan se bhi badtar hai.
Dhruva: Main kuch samjha nahi baba.
BG: Mere saath aao, mein tumhe batata hun.
Art Directions 

Panel:10
NarrationDhruva, baba aur kaaldoot, ek kamre mein enter hote hain, jahan bed par ek insan leta hai, woh insan zinda hai aur hosh mein bhi hai, par uski body mein koi bhi movement nahi hai. Dhruva uske paas gaya aur use dekh kar Dhruva ne pooncha.
DialoguesDhruva: Baba, yeh kaun hai?
BG: Dhruva, yahi hai tumhara mitr, Tiranga.
Dhruva: Tiranga, par iske upar to…
BG: Dhruva, us din grenade ki vispot ki wajeh se Tiranga buri tarah se ghayal ho gaya tha. 1 din to woh usi halat mein usi bhawan ke samne pada raha. Uske pashchat jab bharti aur visarpi Nagrajko dhoodhte hue wahan gayi to unhe wahan keval Tiranga mila tha, woh bhi ghayal avastha mein. Isliye woh dono Tiranga ko apne saath yahan le aayi, taki tumhare saath saath Tiranga ka bhi ilaaz ho sake.
Dhruva: Mere saath?
KD: Haan Dhruva tumhare saath.
Dhruva: Par mein to us anjaan seher mein pichle kai dino se bhatak raha tha.
BG: Dhruva, tum us seher mein yahan se bhaag kar gaye the.
Dhruva: Bhaag kar?
BG: Haan bhaag kar, aaj se karib ek mahine pehle, is jageh par Cyborgs Ne hamla kiya tha, jab hum sabhi unse ladne mein vyast the, usi waqt tum shayad hosh mein aaye the aur yahan se nikal kar aise seher mein chale gaye the, jise cybogs ne tabah kar diya tha. Tab se hi hum sabhi tumhe talash rahe the, aur ishwar ki kripa se aaj tum hume mil hi gaye.
Dhruva: Baba, aapne mere aur Tiranga ke bare mein to bata diya, par aapne yeh nahi bataya ki Nagrajaur mere baki mitron ka kya hua.
KD: Yahi to hamari chinta ka mukhya karan hai Dhruva. Visarpi ko wahan Tiranga ke alava aur koi nahi mila. Nagrajaur tumare baki mitron ko na jane who shaitan kahan le gaye hain.
Dhruva: Yani ki nagraj, Doga, Parmanu aur steel kahan hain iski kisi ko khabar nahi hai.
BG: Kuch dino pehle tak to yahi sach tha. Par ab stithi thodi badal gayi Hai.
Dhruva: Stithi badal gayi hai, par kaise.
BG: Dhruva kal hi hame ek aisi jageh ke bare mein pata chala, jahan Shayad tumhare mitron ko kaid kiya gaya hai.
Dhruva: Baba, mujhe us jageh ka naam bataiye, main abhi wahan jakar apne mitr ko chudana chahta hun.
BG: Woh hum tumhe jald hi bata denge, par pehle hum chahte hain ki tum kuch din aur aaraam karo.
Dhruva: Baba, mere mitr wahan na jane kis halat mein honge, aur mein yahan aaraam karoon, maaf kijeyega baba par yeh sambhav nahi hai.
BG: Dhruva, baat ko samjho, tum abhi bhi poori tarah se svasth nahi hue ho, isliye bas kuch din tum yahan rehkar vyayaam karke apne swasth ko theek ar lo, taki aage jakar itni badi ladai ka netritva kar sako.
Dhruva: Shayad aap sahi keh rahe hain baba, mein 1 hafte yahan reh kar aaraam karoonga aur phir uske baad Cyborgs ka is dharti se namonishan mita doonga.
Art Directions 

Panel:11
NarrationDhruva ab topic change karte hue bolta hai
DialoguesDhruva: Baba kafi der se mein yeh poonchna chah raha tha, ki is waqt hum kahan hain. Yahan Cyborgs ki hukumat to lagti nahi.
BG: Dhruva, dhayan se dekho tum is waqt apne seher rajnagar mein hi ho.
Dhruva: Rajnagar mein?
BG: Haan rajnagar mein, jo ki us chetra ka mukhya Kendra hai jahan Cyborgs ki hukumat nahi hai.
Dhruva: Kaisa chetra baba.
BG: Dhruva, yeh chetra un jagahon ko sammlit karta hai, jinhe Cyborgs haasil nahi kar paye. Yeh chetra lagbhag poore bharat mein faila hua hai aur poore vishva mein yahi ek hissa hai jise Cyborgs jeet nahi paye hai.
Art Directions 

Panel:12
NarrationBaba ki baat poori hui hi thi ki wahan ek nag sainik ne aakar unhe bataya ki cybogs ne phir se un par hamla kar diya hai. Visapi aur baki yodha un se lad rahe hain. Nag sainik ki baat sunte hi baba, Mahatma Kaaldoot aur Dhruva Cyborgs ka samna karne ke liye bahar chale jate hain. Dhruva jaise hi bahar paunchta hai use wahan visarpi ke saath Natasha aur richa bhi dikhte hain. Natasha ek Cyborg se lad hi rahi thi ki peeche se ek Cyborg uske upar vaar karne ke liye daudta hai, par jaise hi woh Natasha ke upar vaar karta hai Dhruva beech mein kood kar Natasha ko bacha leta hai. Cyborg phir Dhruva aur Natasha ke upar vaar karne ki koshish karta hai par richa us Cyborg ke aisa kuch karne se pehle hi usko apne weapon ki madad se khatam kar deti hai. Dhruva aur Natasha bhi ab uth kar Cyborgs se ladne lagte hain. Overlord ne is baar kafi bhari matra mein Cyborgs ko hamla karne bheja tha aur sare ke Cyborg ke paas deadly weapons the, par Dhruva, Natasha, visarpi, baba Gorakhnath, richa aur mahatma kaaldoot ke saath baki yodha un ka bakhoobi samna kar rahe the. Cyborgs jante the ki poori duniya mein yahi ek chitra hai jahan cybro ki hukumat nahi hai, isliye aaj achanak hamla karke woh is chitra ko bhi jeetna chahte the. Par Dhruva ki leadership mein sare yodha unke har vaar ka jawaab dat kar de rahe the, par is ladai ke waqt sabhi ko bas ek hi chinta sata rahi thi, ki kya Dhruva ki sehat abhi aisi hui hai ki woh itni badi jung ladne utre. Waise to Dhruva ne kai baar aisi ladaiyan ladi aur jeeti hain, par 4 saal bahut bada waqt hota hai, 4 saal se Dhruva coma mein tha, koi ladai nahi nahi koi jung nahi aur ab ek dam se itne sare khonkhaar Cyborgs ka samna kya kar payega Dhruva. Shuruvaat mein to sabka darr niradhar nikla, Dhruva akele hi 4-5 Cyborgs ko thikane laga de raha tha. Par jaise jaise ladai lambi khinchti gayi, Dhruva ke upar 4 saal ke gap ka asar saaf dikhayi de raha tha. Uske vaar karne ki takat uske reflexes sab dheeme padte ja rahe the. Cyborgs ne jald hi Dhruva ki is kamzori ko bhamp liya aur phir plan bana kar Dhruva ko baki logon se door le gaye taki jab woh Dhruva par vaar karien to use bachane ke liye koi aas paas na ho. Ab akele Dhruva ko 14-15 Cyborgs ne gher rakha hai, unhe laga ki ab Dhruva ko khatam karma aasaan hoga, par woh shayad jante nahi the ki Dhruva kis mitti ka bana hai. Bhale hi Dhruva ki sehat uska saath nahi de rahi thi par phir bhi woh sare Cyborgs par akele hi bhari pad raha tha aur dekhte hi dekhte usne wahan maujood 6 Cyborgs ko khatam kar diya. Yeh dekhte hue bache hue Cyborgs ne apne vaaron ki intensity double kar di. Dhruva in Cyborgs se lad hi raha tha ki ek pal ke liye uski sehat ki wajeh se uska dhayan Cyborgs ke upar se hat gaya aur Cyborgs ne isi baat ka fayda utha kar Dhruva par aisa vaar kiya ki Dhruva samne maujood ek deewar se jakar takra gaya. Sabhi Cyborgs ne ab ghayal ho chuke Dhruva ko gher liya sabhi Cyborgs ab Dhruva ko khatam karne liye jaise sab antim vaar karne ke liye taiyar the. Par jaise hi unhone vaar karne ke liye apne weapons uthaye to wahan maujood Cyborgs mein se ek se aag ki bhishan lapte takara gayi aur who usi pal nasht ho gaya. Sabhi Cyborgs ne palat kar vaar karne wale ko dekhna chaha to unhe tufaan ki gati se unki taraf ek akriti aati hui dikhayi di. Us akriti ne kuch hi palon mein wahan maujood Cyborgs ko apni talwaar se kaat kar khatam kar diya aur phir seedhe Dhruva ke samne jakar ruk gaya. Yeh akriti aur koi nahi balki BHOKAL tha. Dhruva ne Bhokal se pooncha:
DialoguesDhruva: Kaun ho tum?
Bhokal: Dhruva, main Bhokal hun.
Dhruva: Bhokal?
Bhokal: Apne bare mein vistar se baad mein bataoonga, pehle chalkar Bache hue shaitano ko khatam kar dein.
Art Directions 

Panel:13
NarrationDono nikal padte hain bache hue Cyborgs ko khatam karne. Baba, Natasha wagehra Dhruva ko sahi salamat wapis aata dekh khush ho rahe the to Cyborgs Dhruva ko zinda dekhkar hairan ho rahe the. Unki yeh hairani zyada der tak nahi kayam rahi kyonki Dhruva aur Bhokal ne milkar un Cyborgs ko khatam kar diya. Bhokal ne apni talwar se aur Dhruva ne wahan maujood weapons se un sabhi ko khatam kar diya. Sare Cyborgs ko khatam karne ke baad, Dhruva wahan maujood baki logon ke saath Bhokal ke paas gaya aur usne pooncha:
DialoguesDhruva: Madad ke liye shukria Bhokal, par tum ho kaun?
Bhokal: Dhruva, main Bhokal hun, parilok ka pari manav.
Richa: Parilok? Parimanav?
Bhokal: Haan parimanav jo chah kar bhi apni janambhoomi yani prithvi par reh ke yahan ke logon ki raksha nahi kar pa raha tha.
KD: Bhokal ek tum keh rahe ho kit um ek parimanav ho doosri taraf tum keh rahe ho ki tumhara janam prithvi par hua hai, yeh kaise sambhav hai.
Bhokal: Yeh sach hai ki main ek parimanav hun, par ek sach yeh bhi hai ki meri ragon mein ek sadharan manav ka khoon bhi daudta hai.
Art Directions 

Panel:14
NarrationBhokal ke chehre par dard ubhar aata hai
DialoguesBhokal: Meri maa ek pari thi par mere pita ek sadharan manav the jinse mujhe janam ke samay hi juda kar diya gaya tha.
Dhruva: Juda kar diya gaya tha, par kyon?
Bhokal: Dhruva mera janam pariyon ki raksha ke liye hua tha aur niyam ke mutabik manavon ko pariyon ki prithvi par maujoodgi ka pata nahi chalna chahiye tha, verna kali shaktiyon ko hamare bare mein pata chal jata aur who manavon ke zariye hume khatam kar deti. Isiliye mujhe pita se door rakha gaya, taki unhe mere aur maa ke parimanav hone ka pata nahi chale.
Dhruva: Phir un kali shaktiyon ka kya hua.
Bhokal: Un kali shaktiyon ko maine mahaguru Bhokal ki talwar navdha se samapt kar diya aur jab laga ki ab mein apne pita se asli roop mein mil sakta hun tab achanak parilok main ek bheeshan sankat aa gaya aur tab mujhe us sankat ko khatam karne parilok jana pada. Kuch din pehle us sankat ko samapt karke jab mein sabhi se ijazat lekar apne pita se milne prithvi par aaya tab mujhe pata chala ki meri gairmaujoodgi meri poori duniya ko Cyborgs ne tabah kar diya hai. Apne pita ko talashte hue jab main yahan se guzar raha tha to mujhe Cyborgs tumse ladte hue dikhayi diye, isiliye main yahan tumhari madad karne aa gaya.
Dhruva: Sahi waqt par aaye dost verna aaj to main gaya hi tha.
Natasha: Dhruva, tum bhi na kuch bhi bolte rehte ho.
BG: Bhokal tumhare pita tumhe isi chetra mein mil sakte hain kyonki Cyborgs ke prakop se jinte bhi log bache hue hain woh isi chetra mein maujood hain.
Dhruva: Aur Bhokal tumhari shaktiyon ko dekhte hue yahi kahoonga ki tum bhi hamara saath do. Aakhirkar apni janambhumi ke liye tum itna to kar hi sakte ho.
Bhokal: Dhruva agar tum na bhi kehte to bhi main is jung mein tum logon ka saath dene wala tha.
MK: Dhruva ab hum sabko andar chal ke aage ki radneeti banana chahiye.
Art Directions 

Panel:15
NarrationBhokal prakal ke roop mein aa jata hai aur baki sab ke saath us room mein jata hai jahan Tiranga ka ilaaz chal raha tha.
DialoguesBhokal: ( Tiranga ko dekhte hue) Dhruva ye kaun hai?
Dhruva: Bhokal yeh Tiranga hai.
Bhokal: Par iski yeh halat kaise ho gayi?
Dhruva: Cyborgs se ladte hue iski yeh halat ho gayi aur iske saath saath mere baki dost bhi Cyborgs ke keher ka shikar ho gaye.
Bhokal: Baki dost, kaun?
Dhruva: Nagraj, Doga, Parmanu, Insp steel, sabhi ab Cyborgs ki kaid mein hain.
Bhokal: Par itne shaktishali heros ko un Cyborgs ne kaise kaid kar liya?
Dhruva: Iska, karan Cyborgs ka head hai, jiske paas kai ashcharyajanak powers hain.
BG: Dhruva, Bhokal mujhe lagta hai ki aaj ke hamle ke baad Cyborgs chup nahi baithenge, woh jald hi phir hamla karenge.
Dhruva: Haan baba isliye iske pehle ki woh hum par hamla kare, hume Cyborgs par hamla kar dena chahiye.
Bhokal: Dhruva bilkul sahi keh raha hai, aaj ke hamle ke baad Cyborgs thode kamzor padh gaye hain aur hume un par hamla kar ke unhe aur kamzor kar dena chahiye.
Dhruva: Baba ab hume ek pal bhi barbaad nahi karma chahiye, aap jaldi Us jageh ka naam bataiye jahan mere dost kaid hain.
Art Directions 

Panel:16
NarrationTabhi us room mein enter hota hai Vishank
DialoguesVishank: Us jageh ka naam mein tumhe batata hun Dhruva.
BG: Vishank,tum kab aaye.
Art Directions 

Panel:17
NarrationVishank andar aata hai aur baba aur mahatma kaaldoot ko pranam karta hai. Dhruva Vishank se gale milta hai aur phir uska aur Bhokal ka parichay karvata hai aur phir Dhruva Vishank se poonchta hai ki.
DialoguesDhruva: Vishank, tum kis jageh ki baat kar rahe the?
Vishank: Dhruva main tumhe sab batata hun par yahan nahi, aao mere saath.
Art Directions 

Panel:18
NarrationDhruva aur Bhokal Vishank ke saath jate hain ek aise kamre mein jahan unhe sophisticated technologies se less super computers dikhayi dete hain.
DialoguesVishank: Dhruva, Bhokal ye hamara head center hai. Yahan maujood Super computers ki madad se hum na keval is chaitra par Nazar rakhte hain balki duniya mein ho rahi Cyborgs ki har Harkat pe bhi nazar rakh sakte hain.
Dhruva: Vishank in sabhi chaitron par nazar kaise rakhi jati hai.
Art Directions 

Panel:19
NarrationInko Monitor karne ke liye to satellites ki zarurat padti hogi aur agar Poori duniya mein Cyborgs ka raaj hai to woh apni powers ke Dum par poori duniya ki satellites ko karte honge.
DialoguesVishank: Tumhari baat bilkul sahi hai Dhruva, pehle se maujood sabhi Satellites pe to Cyborgs ne apna kabza jama liya tha isliye kuch hafton pehle hi ek satellite ka nirman karke use antriksh mein bhej diya tha.
Dhruva: Par phir bhi Cyborgs ko ab tak to uska pata chal chuka hoga aur Woh use nast karne ki koshish zaroor karega.
Sillu: Dhruva, woh Cyborg agar chahe bhi na to bhi hamari satellite ko doondh nahi sakta.
Bhokal: Ab tum kaun ho?
Art Directions 

Panel:20
NarrationVishank Dhruva aur Bhokal ko sillu ke bare mein batata hai aur uske computer skills ke bare mein bhi batata aur in sab ke beech sillu super computer ke paas jata hai aur kehta hai.
DialoguesSillu: Dhruva, us satellite ko banana mein humne aisi technology ka Istemal kiya hai jiski wajeh se us satellite ko hamare alava koi aur Shayad hi trace kar paye aur agar Cyborgs ne satellite ko trace kar Bhi liya, to aisa hone mein use kai mahine lag jayenge.
Bhokal: Sillu baat ko ab aur mat ghumao aur us jageh ka naam batao yaar.
Sillu: Kuch dino pehle jab satellite ki madad se jab hum Afghanistan ke Khandhar ke area ko properly scan karke dekha to hume wahan Bahut badi matra mein Cyborgs ke maujood hone ke bare mein Pata chala aur phir jab maine detailed scan kiya to pata chala ki Sabhi Cyborgs khandhar ki gufaon mein maujood ksis cheez ki nigrani kar rahe hain.
Bhokal: Kis cheez ki?
Vishank: Kuch bhi ho sakta hai Cyborgs ka koi power station ya ho sakta Hai gayab hue heros mein se koi wahan ho.
Dhruva: Woh jo bhi ho, dono hi halat mein humko wahan jana to hai hi.
Sillu: Dhruva, ye baat humko yaad rakhni hogi ki wahan koi gufa nahi Hai, balki whana inter-connected gufaon ki ek chain hai.
Bhokal: Sillu ek ho ya hazaar un gufaon ke andar to jana hi padega.
Dhruva: Mera khayal hai ki hume aur waqt zaya nahi karna chahiye. Hum kal subah hi kandhar ke liye niklenge.
Vishank: Dhruva, un Cyborgs ka samna karne ke liye nayi technology se Less hatiyar lene padenge.
Dhruva: Par aise weapons aayenge kahan se.
Vishank: Dhruva hamare paas aise kai hatiyar rakhe hue hain, aao Mere saath main tumhe batata hun.
Art Directions 

Panel:21
NarrationSabhi wahan se nikla kar Weapon Room mein jate hain, jahan par bahut se weapons rakhte hue the. Wahan modern se lekar adi kaal tak ke weapons maujood the. Dhruva aur Vishank ne wahan se kuch destructive guns aur zarori gadgets uthaye, sillu ne bhi zarori gadgets uthaye, tab Vishank shant khade Bhokal ko dekhkar bola.
DialoguesVishank: Bhokal tum bhi kuch hatiyar le lo.
Bhokal: Vishank mujhe in weapons ki koi zarurat nahi, mere liye to meri talwaar hi kafi hai.
Art Directions 

Panel:22
NarrationSabhi ne zaruri weapons aur gadgets le liye aur phir sabhi Baba Gorakhnath ke paas gaye.
DialoguesBG: Dhruva, Bhokal tum log taiyar ho jane ke liye.
Dhruva: Haan baba, kal subah hum sabhi kandhar ke liye niklenge.
Visarpi ki entry hoti hai.
Visarpi: Dhruva, is se pehle ki tum jao, main tumhe kuch logon se milana chahte hun. Agar baba aagya de to.
Art Directions 

Panel:23
NarrationBaba ki aagya lekar sabhi log visarpi ke saath jate hain. Dhruva dekhta hai ki us se milne uski family ayi hui hai aur saath hi hain adrak chacha, Cheeta, monica, sheena. Dhruva seedhe apne mummy aur papa ke paas jakar unse gale milta hai aur phir shweta ke paas jakar us se milta hai. Uske baad Natasha Dhruva ko baki sabhi logon ko milvati hai. Monica aur sheena ke udaas chehre dekh kar Dhruva ka gussa satvein asmaan par paunch gaya aur tab usne kaha.
DialoguesDhruva: Aap sabhi se mera vada hai, un Cyborgs ka poori duniya se naam-o-nishan mitaa doonga.
Bhokal: Dhruva aisa hi hoga, ab mere khayal se hume nikalna chahiye.
Art Directions 

Panel:24
NarrationTab baba aur baki logon se vida lekar Dhruva, Bhokal, Vishank, Sillu Ek super sonic jet mein kandhar ke liye nikla jate hain. Kareeb 1 ghante ke safar ke baad unka jet gufaon se thodi door se pehle utarta hai. Charon ab gufaon ki aur jate hain. Par gufaon se thode pehle hi unka rasta rok lete hain 7-8 Cyborgs. Par woh Cyborgs un charon ka samna zyada der tak nahi kar paye aur un Cyborgs ko khatam karke charon gufaon mein enter ho gaye. Gufa mein enter hote hi sillu apne scanner par analyze karne ki koshish karta hai aage kaun kaun hai. Use aage kafi badi matra mein Cyborgs ke hone ka pata chala. Charon phir bhi aage bade yeh sochte hue ki unko bas aage jakar Cyborgs milenge par jaise hi woh thodi aage bade, unhe apne peeche kuch aahat sunayi di unhone palat dekha to unhe 25-30 Cyborgs peeche se unki taraf aate hue dikhayi diye. Phir unhone aage dekha to wahan se bhi utne hi Cyborgs aate hue dikhayi diye. Tab Bhokal ne Dhruva se kaha ki woh aur Vishank yahin ruk kar Cyborgs ka samna karenge tab tak Dhruva aur sillu aage badenge. Shuruvaat mein to charon ne un Cyborgs se ladai ki par mauka milte hi Dhruva aur sillu wahan se nikla kar aage bad gaye. Yahan Bhokal aur Vishank Cyborgs ka khatam kar rahe the to doosri aur, Dhruva sillu ke saath aage bad raha tha aur har mod par Bhokal aur Vishank ke liye ek nishani chodhte ja rahe the. Kareeb 5-6 gufaon se guzarne ke baad unhe who gufa mil gayi jiski unhe talash thi. Wahan unhe bahut se under production Cyborgs mile jo abhi taoyar nahi hue the. Un Cyborgs ko dekhne ke baad Dhruva ki nazar padi paas hi bane ek glass chamber par. Us chamber ke andar ek insan maujood tha jiske sharir par bahut si cable lagi hui thi. Dhruva ek baar mein to us insane ko pehchan nahi paya, par jaise hi Dhruva ne chamber ke bagal mein padi Doga ki dress dekhi to use yeh samajhne mein der nahi lagi ki chamber ke andar maujood insan Doga hi hai. Tab Dhruva Doga ko us chamber se bahar nikalne ke liye jaise hi chamber todne wala tha us par peeche se ek Cyborg ne vaar kiya. Dhruva ne tab dhayan se dekha ki wahan 3 Cyborgs maujood hain, usne sillu se kaha ki woh chamber todne ki koshish kare jab tak Dhruva un Cyborgs ko rokega. Dhruva teeno Cyborgs se akele hi bhid gaya aur sillu us chamber ko todne ki koshish karne laga par woh asafal raha. Isliye todne ki koshish karne ki jageh sillu us chamber ke control panel ko use karke chamber ko kholne ki koshish karne laga. Dhruva ne yahan 2 Cyborgs ko khatam kar diya tha aur teeno mein se sabse takatvar Cyborgs se uski ladai jari thi. Kai baar try karne ke baad sillu ne chamber ke andar chal rahe process ko band kar diya aur us process ke band hote hiDoga hosh mein aa gaya. Doga ki poori body pehle se kafi alag ho gayi thi, chamber mein jari process ki wajeh se uski body pehle se kafi zyada pumped up ho gayi thi. Doga ne turant hi apne sharer mein lage hue cables ko hata diya aur dekha ki Dhruva ek Cyborg se lad raha tha. Sillu ne ab finally chamber ka gate bhi khol diya tha, tab Doga bahar aaya aur usne sillu ke haath se gun cheeni. Gun cheen ke woh Cyborg ki taraf gaya aur usko apni taraf kheench kar uska sir gun se uda diya aur phir apne haath se aisa vaar kiya ki who Cyborg 2 tukdon mein bat gaya. Bhokal aur Vishank bhi ab Cyborgs ko khatam karke wahan aa gaye the.
DialoguesDoga: Dhruva, tum theek kab ho gaye aur main abhi hun kahan par. Kaise pauncha main yahan par.
Art Directions 

Panel:25
NarrationDhruva ne Doga ko Cyborgs aur uski ladai ke bare mein bataya aur uske baad jo bhi hua woh bhi bataya aur phir kaha.
DialoguesDhruva: Doga tum 4 saal se yahan kaid ho aur pata nahi ye Cyborgs tumhe us chamber ke andar band karke kya kar rahe the.
Bhokal: Dhruva, ye baat to humko sillu hi bata sakta hai ki yahan ho kya raha tha.
Doga: Ek minute yaar, Dhruva pehle yeh to batao ki yeh sab hain Kaun?
Vishank: Doga main Vishank hun, Nagrajki tarah main bhi ek nag hun, aur yeh sillu hai mera computer genius dost.
Bhokal: Aur main Bhokal hun, ek parimanav.
Doga: Parimanav?
Vishank: Doga yeh sab to hum tumhe baad mein batate hain, par sillu Pehle tum yeh batao ki Cyborgs Doga ke saath kar kya rahe the.
Art Directions 

Panel:26
NarrationSillu ke kuch bolne ke pehle hi Dhruva bolta hai.
DialoguesDhruva: Yahan par baat karna khatre se khali nahi hoga. Hum logon Ko apne chaitra mein jakar baat karni chahiye.
Bhokal: Aur is jageh ka kya karenge?
Dhruva: sillu tum is jagah ka pura muaynna kar hare k cheez ko aache se check karo jaancho usse ko aur agar kaam ki cheez ho usse apne saath le chalo aur phir jaate waqt in gufaon mein barood bhar ke isse uda denge.
Art Directions 

Panel:27
NarrationSillu ne us laboratory main apni chaanbeen shuru kardi.tabhi wahan ek yantra ko dekh aur usko check karte excited tone main bola
DialoguesSillu: Yeh toh ek dna synthesizer hai aur aisa waala maine phele kahin nahin suna.
Bhokal: Accha tumne yeh waala phele kabhi nahi dekha hai, maine toh aaj tak isska naam tak nahi suna hai.
Sillu: Har zinda prandi chale woh unicellular ho jaise ki bacteria ,ya koi multicellular jaise ki insaan,pakshi ya koi bhi jaanwar sab cell se bante hai jo ki ek building block hota hai.aur cell ke ander hota hai dna yani ki Deoxyribonucleic acid (DNA) jo ki ek tarah ka nucleic acid genetic instructions store karta hai jo har living organism ke development aur functioning ko nirdharit karta hai. Jise genetic code ya phir genetic instruction ya phir simply gene kehte hain. Yeh genes hote hain jisske karan hum saare jeev jaantu alag alag dikhte hain, alag bartav karte hain,hamare khaan paan ka dhang alag hota hai jiski wajeh se koi jeev carnivores, omnivores aur herbivores hota hai. For example ek murgi jab aanda deti hain jab uss ande main maujood genes aande main ban rahe chuzon ki sharirik banawat nirdharit karte hain ussi choch kahan hogi usse panje main kitni ugliyan hogi wagehra. Simple bhaasha main bole toh ye ek murtikaar ki tarah hota hai jo ek shareer numa potle ko aakar deta hai.
Dhruva: Par yeh isska istemal yahan Doga pe kissliye kar rahe the. Kahin yeh Doga pe koi experiment toh nahi kar rahe the
Sillu: Shayad ho sakta hai kher yeh toh mujhe apni lab main puri tarah analysis karke hi bata sakta hoon ki yahan aakhir ho kya raha tha.
Dhruva: Theek hai issko hum apne saath le chal te hain
Vishank: Maine bombs laga diye hain aur detonator ka yeh button dabaate hi yeh gufa tabah ho jaegi.
Sillu: Maine bhi apne matlab ka sara samaan le liya hai, ek under production Cyborg, kuch gadgets aur us control panel ka sara data.
Dhruva: Theek hai to chalo sab wapas jet ki taraf chalo.
Doga: Ruko main apni dress to pehen lun.
Art Directions 

Panel:28
NarrationDoga ne phir apni costume pehni aur wahan maujood weapons ko utha kar bola.
DialoguesDoga: Chalo ab chalte hain.
Art Directions 

Panel:29
NarrationSab log wapas jet main jaane ki liye hives ke bahar nikalne lagte hain tabhi wahan Cyborgs ki ek aur tukdi aa jaati hai. Sabhi log ladne ke liye taiyar ho jaate hain ki tabhi Doga bolta hai.
DialoguesDoga: Ruko dosto, in logon ne 4 saal meri jo khatirdari ki uska ka shukriya mujhe hi ada karne do.
Art Directions 

Panel:30
Narration

Aur phir Doga apne andaz main apni bandook ka barood Cyborgs pe barsata gaya aur unko khatam karke sab log gufaon se bahar nikle aur jet mein baith gaye. Jet main baithte hi Bhokal ne detonator ka button daba diya aur unke jet ke udte saath hi woh gufa nast ho gayi aur saath hi nasht ho gaya Overlord ka ek thikana.
Ab Rajnagar main... Head Center ke andar Dhruv, Doga, Bhokal aur Vishank apne mission ke baare main Baba se baat kar rahe the.

DialoguesDhruva: Pata nahi in Cyborgs ne Doga ke saath kya kiya?
Vishank : Jo bhi kiya ho par doctors keh rahe hain ki Doga main ab super human strength aa gayi hai.
Baba: Cyborgs ke iraade naik nahi the, accha hua tum logon ne Doga ko bacha liya ab baki logon ko bhi jald se jald kojh kar bachana hoga.
Art Directions 

Panel:31
NarrationTabhi wahan maujood ek computer par sillu ka message flash hota hai. Us message main likha tha ki:-
DialoguesSillu: Maine gufa se layi hui cheezon ka analysis kar liya hai aur analysis ke baad jo pata chala hai woh sun kar sabke hosh ud jayenge. Main bas 10 min main wahan apni puri report ke saath aata hoon.
Doga: Yeh sillu ne aisa kya doodh liya hai??
Bhokal: Yeh toh usske aane pe pata chalega.
Art Directions 

Panel:32
NarrationThodi deer baad sillu aata hai aur batata hai:-
DialoguesSillu: Woh Cyborgs Doga ki clones banakar unhe mutated karke powerful Cyborg ki clone banane koshish kar rahe the, Par shayad kisi karan se har baar fail ho ja rahe the. Par is process ne Doga ki body mein super human strength bhar di hai.
Doga: Super human strength, woh kaise aa gayi mere andar?
Sillu: Doga, jitna ki mera anumaan hai, Cyborgs ne tumhare upar cloning ka process kai baar try kiya. Is repeated process ki wajeh se tumhare DNA mein bada badlaav aa gaya hai aur isi karan tumhare super strength aa gayi hai.
Dhruva: Par sillu un Cyborgs ke paas to kai modern equipments honge. Logon ki clones banana unke liye behad aasaan hona chahiye, phir Doga ki clones banana mein woh kaise asafal ho gaye.
Sillu: Dhruva iski wajeh dhoodhne ki koshish main kar raha hun, jald hi results bhi sabke samne honge.
Bhokal: Sillu us panel se laye hue data se kuch pata chala, Nagrajwagehra ke bare main usme kuch information thi kya.
Sillu: Bhokal us panel ke data main to clones wali information hi thi, par wahan mile ek communication pod Overlord ke kuch bases ka data hai.
Doga: Yeh to bahut hi acchi khabar hai sillu, jaldi se uske bases ka pata lagao, taki main apne baki saathiyon ko bhi un Cyborgs ki kaid se chudha paaun.
Dhruva: Sillu jald se jald overlord ke bases ka pata lagao, kyonki agar woh nagraj, Parmanu ya steel main se kisi ek ki bhi clone banane main safal ho gaya to tabahi mach jayegi.
Sillu: Theek hai main us Communication Pod ki jaanch karta hun, usme Overlord ke baki bases ke bhi coordinates honge, main abhi yeh coordinates apni satellite pe uplink karke Overlord ke baki ke bases ka pata lagane ki koshish karta hoon.
Art Directions 

Panel:33
NarrationSillu apni lab main jakar satellite control panel se satellite mein overlord ke bases ke coordinates uplink karta hai, aur talash karne lag jata hai overlord ke bases ko.
Ab scene shift hota hai wahan se bahut door ek sehar main jo puri tarah se aadunik hai jahan pe insaan ki nahi Cyborgs ki aabadi rehti thi jisska naam tha CYBRO CITY. Wahan maujood sabse unchi building ke ander ek control panel pe kissi ke haath chal rahe the aur uski machine aankhen kissi cheez ko dekh ke chauk gayi. Aur phir woh Cyborg control panel pe phir apni machini ungli chaalane laga. aur phir ussne bola
DialoguesCyborg: OVERLORD Sir, koi anjaan satellite hamare behad Gupt bases ka pata lagane ki koshish kar rahi hai. Sir hamara kandhar wala base bhi tabah ho gaya hai aur yeh kaam us chetra ki bachi hui human force ka hai jahan abhi tak hum pauhnch nahi paye hain.
Art Directions 

Panel:34
NarrationOverlord jo ki is waqt apne power recharging cell mein hai, woh Cyborg baat sunte hi apni band aankhein kholta hai aur apne body mein lage hue wires ko hatata hai. Un wires ko hatane ke baad woh apne chamber ke panel par kuch harkat karta hai jisse woh chamber khul jata hai aur phir overlord, Cyborg se us ghatna ki detail report bana kar us chamber mein lane ko kehta hai. Cyborg poori detail lekar us chamber mein enter karta hai aur bolta
DialoguesCyborg: Sir jaisa ki aapne kaha tha main poori detailed report le aaya hun, khandhar mein total 4 logon ne hamla kiya tha, ye rahi un sab ki pictures.
Art Directions 

Panel:35
NarrationOverlord Dhruva, Bhokal, Vishank aur sillu ki pics dekhta hai, Dhruva ki pic dekhte hi woh use pehchan jata hai.
DialoguesOverlord: Mujhe laga ise marne ke liye mera ek vaar hi kafi tha, lekin ab lagta hai iske naseeb mein ek dardnak maut hi likhi hai.
Cyborg: sir woh apni satellites ke jariye hamare bases ka pata lagane ki koshish kar rahe hain, par maine unke signals ko turant pehchan kar jam kar diya hai, isliye woh hamare kisi bhi base ka pata nahi laga payenge.
Art Directions 

Panel:36
NarrationOverlord kuch der sochne ke baad, apne haath par lage hue control panel par kuch chedchad karta hai, uske aisa karne turant baad wahan ek awaaz gunjti hai.
JAMMERS DEACTIVATED.
DialoguesCyborg: sir ye aapne kya kiya, jammers deactivate karne par to unhe hamare sabhi bases ka pata chal jayega.
Overlord: yahi to main chahta hun.
Cyborg: sir main kuch samjha nahi?
Overlord: tumhe kuch samajhne ki zarurat nahi, tum wahi karo jo main tumhe kehta hun.
Art Directions 

Panel:37
NarrationOverlord ab us Cyborg ko kuch batata hai, jise sunne ke baad woh Cyborg apne control panel par jakar kuch kaam karne lag jata hai. Doosri taraf Overlord doosre Cyborg ko bulakar kehta hai:
Overlord: sabhi bases ki force ke war chieftain ko mere chamber mein bhej do meeting ke liye.
Ab scene shift hota hai rajnagar mein, jahan Dhruva, Doga aur Bhokal, sillu ke saath satellite ke control room main baithe hue hain.sillu control panel par kaam karte hue overlord ke bases ka pata lagane ki koshish kar raha hai. Tab Doga bolta hai:
DialoguesDoga: sillu aur kitna time lagega.
Sillu: Doga,ye koi gun nahi hai jo trigger dabate hi firing chalu ho jati hai, thoda waqt to lagega, mujhe lagta hai ki woh hamare signals ko jamm karne ki koshish kar rahe hain.
Dhruva: iska matlab ki unhe hamari satellite ke bare mein pata lag gaya hai.
Bhokal: ab humne unke base par hamla kiya tha, to itna pata karne ka un logon ko haq hai.
Sillu: ye lo kaam ho gaya.
Dhruva: gud, jaldi se sabhi bases ki details batao.
Sillu: ek minute batata hun.
Art Directions 

Panel:38
NarrationSillu panel pe ek button dabata hai aur phir kehta hai.
DialoguesSillu: pehla base Africa ke sahara desert ke area mein Doosra base South America ke tropical amozon forest ke area mein Teesra base Europe mein alps mountain range ke area mein Chautha base North America mein area 51 Bas ab yeh paanchva aur aakhiri base track hona baki hai, kitni der se koshish kar raha hun par track hi ho pa raha hai.
Art Directions 

Panel:39
NarrationSillu us base ko track karne ki koshish kar hi raha hota hai ki uske super computer ki screen distort hone lagti hai aur aisa hote dekh sillu bolta hai:
DialoguesSillu: Shit yeh kya ho raha hai?
Dhruva: kya hua sillu, tum chillaye kyon?
Doga: Dhruva, nazrien utha kar computer ki screen dekh lo pata chal jayega.
Bhokal: ye computer ki screen ko kya ho raha hai?
Sillu: maine woh last base ko trace kar hi liya tha par jaise hi maine us area ki vistrit jankari lene ki koshish ki, screen distort hone lagi.
Doga: sillu, distort hone ke pehle us area ki kuch jankari to mili hi hogi na.
Sillu: Doga, jankari to mili thi par zyada nahi.
Dhruva: Sillu phir bhi jo pata chala hai batao.
Sillu: Mujhe bas location pata chali hai, us area ke bare mein aur jankari nahi mil payi hai.
Bhokal: Sillu, jageh ka naam batao.
Sillu: Location hai eastern India mein kahin, jahan tak assam mein.
Dhruva aur Doga ek saath bolte hain: Assam.
Bhokal: Dhruva, Doga kya hua, assam ka naam sunte hi tum log chaunk kyon gaye?
Doga: Bhokal Assam mein hamare do mitr kobi aur Bheriya hain.
Bhokal: Haan kobi aur Bheriya, thoda bahut to maine bhi suna tha unke bare mein.
Dhruva: Assam mein kobi aur Bheriya the, ye baat mere dimag se nikal kaise gayi.
Doga: Agar wahan par overlord ka base hai, to kya kobi aur Bheriya bhi baki heros ki tarah.
Dhruva: Sillu Vishank kahan hai bulao use.
Art Directions 

Panel:40
NarrationSillu Vishank se sampark karke use usi room mein bulata hai, Vishank ke aate hi Dhruva use punchta hai:
DialoguesDhruva: Vishank, kya tumhe overlord aur Assam ke bare mein kuch pata hai.
Vishank: Overlord, Assam, Dhruva mein zyada kuch to nahi janta par itna pata hai ki, jab overlord ne India par hamla kiya tha, to woh sabse aakhir mein Assam hi gaya tha. Us waqt hum tumhare aur baki heros ki chaanbeen mein lage hue they isliye wahan kya hua pata hi chal paya.
Bhokal: Sillu, ek baar aur dekho aakhiri base Assam hi tha na.
Sillu: Bhokal aakhiri base Assam hi tha. Aur agar mein doobara check karna bhi chahun to bhi nahi kar sakta. Yeh system to kharab ho gaya hai, naya lagana padega.
Doga: System kharab kaise ho gaya?
Sillu: Kuch pata nahi. Par ek baat to batana hi bhool gaya.
Dhruva: Kya, jaldi batao?
Sillu: Dhruva, pehle char coordinates jo the woh to mujhe usi communication pod mein mile the, par yeh jo Assam wala tha woh jab maine baki ke coordinates ko uplink kiya to apne aap automatically screen par flash hone.
Bhokal: Mujhe to yahan koi badi gadbad lag rahi hai, verna woh link apne aap kaise flash ho jati.
Sillu: Bhokal bilkul sahi keh raha hai. Vishank mujhe lagta hai shayad chief ko is bare mein kuch pata ho.
Dhruva: Sillu, yeh tum kiski baat kar rahe ho, kaun chief?
Vishank: Chief woh hain jo tum sabki gairmaujoodgi mein is abhiyan mein hamara netritva kar rahe the, ye jo nayee takneek ke upkaran yahan maujood hain, yeh sab unhone ne hi yahan lagvaye hain.
Doga: Vishank, seedhe seedhe bol tu kiski baat kar raha hai.
Art Directions 

Panel:41
NarrationTabhi us room ki entrence par koi aata hai aur bolta hai:
DialoguesDhananjay: Doga Vishank se tum jo punch rahe ho uska jawab mein tumhe deta hun.
Dhruva: Dhananjay tum. Tum yahan kya kar rahe ho?
Dhananjay: Main tumhe sab batata hun Dhruva, Lekin uske pehle, Vishank jin naye hathiyaron ki humko zarurat thi woh mein le aaya hun tum jakar unhe sahi tareeke se weapon room mein rakhwa do.
Vishank: Ok chief, main abhi jata hun.
Dhruva: Dhananjay, ab to batao ye sab chal kya raha hai.
Dhananjay: Dhruva main yahan baba Gorakhnath ke kehne par chief ke taur par is abhiyan ki dekhrekh kar raha hun, tum sabhi to the nahi, isliye overlord aur uski sena se ladne ke liye baba ne mujhe aur meri swarna manavon ki sena ko bulaya tha.
Dhruva: Par hum yahan itne dino se hain tum to kahin dikhayi nahi diye aur na hi baba ne tumhara zikr kiya.
Dhananjay: Dhruva, mujhe tumhare wapas aane ki khabar mil chuki thi, par us waqt mein swarna nagri mein kuch naye hathiyaar banva raha tha, jaise hi woh kaam pura hua main yahan aa gaya.
Doga: Ab mazra samajh mein aa raha hai. Par agar hum sabko yaad ho hum assam ki baat kar rahe the.
Bhokal: Haan, sillu bata raha tha ki chief ko system ki kharabi ke bare mein shayad kuch pata ho, isliye aap jaldi se dekhiye aur bataiye kya hua hai.
Dhananjay: Sillu sabse mujhe vistar se batao ki hua kya tha?
Art Directions 

Panel:42
NarrationSillu dhananjay ko poori ghatna ke bare mein batata hai aur phir:
DialoguesSillu: Chief maine jaise hi us jageh chaanbeen shuru ki, yeh system kharab ho gaya hai.
Dhananjay: Ajjeb baat hai, pehle char bases ka to pata chal gaya par paanchve base mein aisa kya tha ki poora system hi kharab ho gaya.
Dhruva: Dhananjay, yahi baat to hum sab soch rahe hain ki kya hai wahan jo poore system ko kharab kar de raha hai. Agar wahan koi jammers lage hote to bas woh satellite ke signal ko rok ke, wahan ki details jama karne se rokte, par yahan to poora system hi kharab ho gaya hai.
Dhananjay: Dhruva karan takniki to ho nahi sakte, kyonki hamare system aise hi kharab nahi ho sakte itna mujhe pata hai.
Doga: To kya isme koi jadui takat ka haath hai.
Bhokal: Aisa ho sakta hai ki wahan koi jadui kavach ho jo us chaitra mein kisi bhi cheez ko andar nahi aane dena chahta ho.
Dhruva: Wahan kya gadbad hai, ye to humko wahan jakar hi pata chalega. Isliye hum logon ko jald se jald Assam ke liye nikalna chahiye.
Doga: Baat to tumne sahi kahi Dhruva, kal subah hi humko assam ke liye nikalna chahiye.
Dhananjay: Theek hai kal subah hum sabhi assam ke liye niklenge.
Bhokal: Dhananjay, mujhe lagta hai ki aapko sillu ke saath yahan hi rukna chahiye, ho sakta hai ki Cyborgs yahan phir se hamla karne ki koshish kare.
Dhruva: Bhokal sahi keh raha hai, dhananjay tum yahan hi ruko, Assam, main Doga aur Bhokal jayenge.
Dhananjay: Par Dhruva, Sirf tum teen, wahan koi bada khatra hua to.
Doga: Dhananjay, bade khatron se bhidne ke liye to hum paida hue hain, tum chinta mat karo hum teeno hi kafi rahenge wahan maujood shaitano ke liye.
Dhananjay: Theek hai main yahan hi rukta hun par Vishank to tum logon ke saath ja sakta hai.
Bhokal: Nahi, woh bhi yahan hi rukega aapki madad karne ke liye.
Dhruva: To yeh tay raha, kal subah hum teeno assam ke liye niklenge.
Doga: Subah hone tak main zara weapon room jakar kuch naye weapons utha leta hun, assam mein kaam aa jayenge.
Art Directions 

Panel:43
NarrationSabhi ab weapon room mein jakar weapons choose karte hain aur agli subah Dhruva, Doga aur Bhokal assam ke liye nikal jate hain.
Ab scene shift hota hai assam ke jangalon mein. Dhruva, Doga aur Bhokal jald hi assam ke outskirts tak pauhnch jaate hain. Tabhi achanak unke plane ki screen main power failure flash hone lagta hai.
DialoguesDoga: yeh plane main achanak kya kharabi aa gayi hai??
Dhruva: pata nahi plane ka computer power failure bata raha hai engine band ho gaye aur emergency landing program bhi activate nahi ho pa raha hai.
Bhokal: matlab ab hogi crash landing!!
Dhruva: sabhi apne seat belts ko bandh lo.
Doga: sare electronic control sab jam ho gaye hain, main ise manual mode main daalta hun.
Art Directions 

Panel:44
NarrationPlane badi tezi se zameen ki taraf gir raha tha. Dhruva aur Bhokal plane ko badi muskil se control karke crash land karte hain. sab log plane se bahar nikalte hain aur apne aap ko hare bhare jungle se ghira paate hain.
DialoguesDoga: wooh!! aaj toh bal bal bache plane main achanak aisi kya kharabi aa gayi thi?? kher jo bhi ho hum aakhir apni manzil yani assam ke jungle pauhnch gaye hai.
Art Directions 

Panel:45
NarrationBhokal plane ke engines ke jaanch karte hue bolta kamaal hai plane ke engine toh ek dum acche phir pata nahi inhone ne achanak kaam karna kyun band kar diya??
DialoguesDhruva: are hamare suit ke electronic control bhi kharab ho gaye.
Doga: are haan aur mere guns jo ki electronic control se chalte hain woh bhi bekar ho gayi hain.
Bhokal: yahi nahi hamare communication pod jo ki electronic hai woh bhi kharab ho gaya hamara ab rajnagar se koi sampark nahi hai hamare saare electronic upkaran achanak se kharab ho gaye hain
mujhe yahan bhari khatre ke ashanka ho rahi hai.
Doga: yani ab humko yahan se aage is jungle main sirf apne bharosa hi jaane padega. accha hua main pane purane weapons saath rakh liye ummeed karta hoon ki woh kharab nahi hue honge
Bhokal: sahi kaha Doga hum hamare pass is jungle main aage badne ke alawa koi koi Doosra rasta nahi hai jo bhi yahan hua isska koi na koi sambandh is jungle se jaroor hai kyunki jaisi ki humne is jungle main pravesh kiya hamare plane ke saath saath saare electronic upkaran band ho gaye.
Dhruva: accha hua jo main bhi apna purani dress saath lekar aaya hoon. ab yeh armour aur suit kissi kaam ke nahi hai isliye main wapas apna purani dress pehen leta hoon.
Doga: main bhi jaake apni purani costume pehna leta hoon.
Art Directions 

Panel:46
NarrationDhruva aur Doga taiyaar hone ke baad Bhokal ke saath ghane jungle ke ander jaane lagte hain. Kuch der aage jaane par woh ek mukaam pe aa jaate hain hai jahan se 3 alag alag raaste nikalte hain aur un raston mein jane ke liye liye teen dwar bhi bane hue the.
DialoguesDoga: Ab kahan jana hai yahan toh 3 alag raaste hain aur shayad in main se ek raasta hi hamari manzil ki taraf jata hai aur baki ke 2 jaal ho.
Art Directions 

Panel:47
NarrationTabhi Bhokal ko kuch mehsoos hua aur bola
DialoguesBhokal: Mujhe yahan tilsmi shakti ka abhaas ho raha. Yahan jo kuch hum dekh rahe hain woh sab shayad ek tilism ka hissa hai.
Dhruva: Agar Bhokal ka andesha sahi hai to Hamare saare electronics upkarno ke kharab hone ka karan bhi yahi tilism hoga.
Doga: Hmm toh isse bina tode hum Assam ke jungle ke andar nahi ja sakte hain.
Bhokal: sahi kaha hume is tilism ko todna padega tabhi hum jungle ke ander pravesh kar sakte hain.
Dhruva: Hum teeno ko ek ek raste mein jana hoga.
Bhokal: Theek hai to chalo, apne apne raste par nikalte hain.
Art Directions 

Panel:48
NarrationBhokal, Dhruva aur Doga, alag alag raston mein pravesh karne ki koshish to karte hain par n raston par maujood dwaron ke andar who pravesh nahi kar pate hain kyonki un teeno dwaron par ek suraksha kavach laga hua tha, jo ki unhe un dwaron par pravesh nahi karne de raha tha.
DialoguesDoga: Yeh ho kya raha hai pehle hamare upkaran kharab ho gaye, ab in raston mein jane se koi cheez humko rok rahi hai. Kaun kar raha hai yeh sab.
Art Directions 

Panel:49
NarrationDoga ke itna kehte hi wahan ki zameen kaampne lagti hai aur zameen mein lambi lambi dararein padne lagti hai aur un dararon ko tod kar nikalta hai ek prani jiske 4 haath hain aur woh lagbhag 15 feet lamba hai, is prandi ko sakshat maut ka chehra keh sakta hain. Dhruva, Doga aur Bhokal ko dekh kar woh prandi bola:
DialoguesPrani: Tum yahan tak aa gaye ho isska matlab tum koi Mashini jantu nahi ho par yahan se aage na to koi na mashini jantu ja sakta hai na hi koi insan.
Bhokal: Isi prani ki wajeh se hamare upkaran aur plane kharab ho gaye the.
Dhruva: Par agar is jungle mein mashini prandi nahi aa sakte to yahan Cyborgs ka to raaj nahi sakta, phir kisne yeh suraksha kavach lagaya hua hai.
Doga: Yeh baat to yeh namuna hi bata sakta hai aur yeh to sharafat se batayega nahi, isliye taiyar ho jao, apne hathiyaron ko chaalane ke liye.
Art Directions 

Panel:50
NarrationDoga ko hathiyar uthata dekh woh prandi bolta hai ki:
DialoguesTyphon: Mera naam TYPHON hai, tumhare sare upkaran meri hi shakti ki wajeh se kharab hue the, jab un upkarno ko maine kharab kar diya to tumhare yeh hathiyar mera kya bigad lenge. Is jungle mein mashini jantu aur insan dono ka hi pravesh nished hai aur agar tumne isme pravesh karne ki koshish ki tumhe marne mein mujhe zara bhi dukh nahi hoga.
Bhokal: Lagta hai kisi shaitani shakti ne is jungle par kabza kar liya hai.
Dhruva: Kobi aur Bheriya bhi ke saath bhi shayad kuch bura hua hai, humko kuch bhi karke is jungle mein pravesh karna hi hoga.
Doga: Uske liye humko is shaitan ko khatam karna hoga, iske andar to main itna barood bhar dunga ki pahad jaisa yeh janvar cheeti ki tarah rengega.
Art Directions 

Panel:51
NarrationItna kehkar Doga ne Typhon par goliyan chalani shuru kar di. Goliyan typhon ke sharir main aise saama rahi thi jaise paani main koi cheez ghul jati hain.
DialoguesTyphon: Bahut galat kiya tumne, ab aisi maut milegi tumhe, ki tumhari laash tak kisi ko nahi milegi.
Art Directions 

Panel:52
NarrationItna kehkar Typhon ne apne Muh se Aag ki funkar un teeno par chodh di. Teeno ne jaise bhi kar kar khud ko bachaya. Ek baar phir se Typhon ne funkar chodi to Bhokal ne apni talwar ki jwalashakti se uska samna karne laga. Apne vaar ko asafal hote dekh Typhon ne un par pathron ki barish karne laga. Tab Bhokal ne Dhruva aur Doga ko udh kar bachaya aur phir teeno ek badi si chattan ke peeche jakar chup gaye aur tab Bhokal ne kaha:
DialoguesBhokal: Dhruva yeh ek tilismi prani hai, ise jisne bhi bana ya hai woh
Tantra vidhya ka mahan gyata hoga.
Doga: Abhi ise banane wale ko goli maro aur yeh socho ise khatam kaise karna hai.
Dhruva: Typhon ki koi kamzori bhi to hamko nahi pata hai, samajh nahi aata ise marenge kaise.
Bhokal: Iski kamzori kya hai yeh to is se lad kar hi pata chal sakta hai.
Doga: Bhokal ne sahi kaha, is chattan ke peeche chupna se accha hai ki us typhoon ka samna karien.
Dhruva: Bhokal typhon ke vaaron se samna karne ki shakti tumhari talwar mein hi hai, isliye hum teeno ek saath vaar to karenge, par ise marne ka kaam tumhara hoga.
Bhokal: Theek hai, ab bahar chalein.
Art Directions 

Panel:53
NarrationTeeno ek saath bahar aate hain Typhon par vaar karte hue Dhruva aur Doga unke paas maujood guns se vaar kar rahe the aur Bhokal apni talwar se typhoon par vaar kiye ja raha tha. Lagatar ho rahe vaaron ne Typhon ke gusse ko saatvien asmaan par pauhcha diya tha. Usne apne vaaron ki teevrta ko dugna kar diya tha. Usne apne haathon se asmaan ki aur vaar kiya to asmaan se bijli zameen par girne lagi. Bhokal to hawa mein udh kar bach gaya, Dhruva aur Doga wahan maujood pedon par chad kar us bijli se bache aue phir se Typhon par vaar karne lage. Dhruva aur Doga ke vaaron se Typhon ko zyada nuksaan to nahi ho raha tha par uska dhayan zaroor bat raha tha aur isi ka fayda utha kar Bhokal kabhi zameen se aur kabhi hawa mein udh kar Typhon par vaar kar raha tha. Gusse se pagal Typhon ne apne muh se tufani hawayien chodhna shuru kar di, iski wajeh se Dhruva, Doga aur Bhokal door udh kar gir gaye. Doga ka gussa bhi ab satvein asmaan par tha aur usne wahan hi toote pade ek ped ko utha kar Typhon par de mara. Iske jawaab mein typhoon ne apne muh se Doga ki taraf aag ki funkar fainki, jisse Doga ko Dhruva ne bachya. Dhruva aur Doga zameen par gire hue the Typhon ne is mauke ka fayda uthate hue un par patharon ki varsha karni chahi par Bhokal ne uske aisa karne se pehle uske haathon par Jwalashakti se vaar karna shuru kar diya, phir teeno mil kar Typhon ke upar vaar karne lage. Lagatar ho rahe vaaron ne Typhon ko kamzor bana diya tha aur jab Bhokal ne uske sir par vaar kiya to uske sir se ek tez roshni nikalne lagi. Us roshni ko dekh kar teeno ne typhoon ke sir par vaar karna chalu kar diya, lagatar vaar karne ke baad jab Bhokal ne jwalashakti se typhoon ke sir par vaar kiya to uska sir phat gaya aur uske shareer mein se ek prakash punj nikla aur teen raaston mein se ek par jakar takra gaya aur us raste ke dwar ke upar se suraksha kawach hat gaya. Sit phutne ke baavjood typhoon me jaan baki thi, Isliye Bhokal ne phir apni talwar se Typhon ke seene par apni talvar se vaar kiya, to usme se bhi ek prakash punj nikla aur doosre raste ke dwar se jakar takra gaya aur us dwar ko bhi usne khol diya. Phir Bhokal ne Typhon ke bache hue shareer par ek aur vaar kiya to ek aur punj nikla jisne teesre raste ke dwar se bhi suraksha kawach ko hata diya ar us raste ko khol diya. Typhon ab khatam ho chuka tha, Dhruva, Doga aur Bhokal teeno khush hokar ek doosre ko dekhte hain aur phir teeno ek ek kar ke wahan khule teen raston ke teeno dwaron mein pravesh kar jate hain.
Ab scene shift hota hai us raste par jahan Dhruva ne pravesh kiya tha, is raste mein pedon ke alava Dhruva ko kuch aur nazar hi nahi aa raha tha, kuch der us jageh pedon ke beech chalne ke baad, Dhruva ruk gaya kyonki use ek ped ke peeche kuch awaaz sunayi di thi. Dhruva ne aage badh kar us ped ke peeche dekha to use bharosa hi nahi hua, phir dhyan se dekhne ke baad use bharosa hua ki uske samne khada tha ek vishalkay Narsingh, jo ki aadha sher tha aur aadha insan. Us Narsingh ne Dhruva ko dekh kar kaha:-
DialoguesShera: Pehli baar, Pehli baar koi typhoon ko hara kar mere paas tak aaya hai, manna padega tumhare sahas ko, par khushi to is baat ki hai ki tum jaise sahasi insan ko marne ka saubhagya mere naseeb mein likha hai.
Dhruva: Dekho tum jo bhi ho, yeh batao ki tumhe yahan par kisne rakha hai, kisne yeh tilism banaya hai.
Shera: Shera ko yahan kisi ki baat ka jawaab dene ke liye nahi rakha hai, shera yahan isliye hai taki is jungle ke andar koi pravesh na kar paye. Isliye tum jo bhi ho taiyar ho jao apni maut dekhne ke liye.
Dhruva: Lagta hai seedhe juban se tum log jawaab de hi nahi sakte, chalo ab tum mukabla karna hi chahte ho to main bhi taiyar hun.
Art Directions 

Panel:54
NarrationDhruva ke itna kehte hi shera, sher ki tarah dhahdne lagta hai aur agle hi pal who Dhruva ki aur chalang laga deta hai.
Ab scene shift hota hai us raste par jahan Doga ne pravesh kiya tha. Is raste mein Doga ko kisi pahad ke upar chal raha tha, use wahan pedon ke alava kuch bhi nahi mil raha tha, yahi baat Doga ko pagal kiye ja rahi thi, Doga gusse mein kuch bolne wala hi tha I tabhi peeche se uski kamar par ek chota sa teer aakar lagta hai, teer lagte hi Doga bolta hai:-
DialoguesDoga: Aah ye kya hai, itna chota teer, aise teer to jangli log blow pipes mein use karte hain, iska matlab yeh zehreela bhi hoga.
Art Directions 

Panel:55
NarrationDoga yeh bol hi raha tha ki peeche usko ek aur teer aakar laga. Itna Doga ko gussa dilane ke liye kafi tha, Doga ne apni gun uthayi aur andha dundh firing karna chalu kar di, apni rifle ki poori ek magazine khatam karke Doga ne bola:-
DialoguesDoga: Chup kar vaar karte ho kayron, samne aao ek ek ke seene mein barood bhar dunga.
Art Directions 

Panel:56
NarrationDoga ne baat khatam hi ki thi uske upar vaar karne wale uske samne aa gaye. Yeh koi jungle nahi the, yeh the chote chote pigmy woh bhi ek do nahi balki hazaon ki tadad mein pigmy Doga ke samne khade the aur har ke haath mein the blow pipes, jiske zariye woh Doga ke shareer mein zehreele teer ghompna chahte the. Doga samajh gaya tha ki woh ek badi musibat mein hai.
Ab scene shift hota hai us raste par jahan Bhokal gaya tha. Yeh rasta na zameen mein tha na pani par, yeh rasta aakash se hokar guzarta tha. Bhokal apne pankhon ke dum par udh kar aage bada ja raha tha, ki tabhi uske samne aa gayi uski musibat, yani ki Giddhon ki ek badi fauj. Yeh giddh koi aam giddh the nahi nahi, yeh tilismi giddh the aur har ek giddh ke andar na keval shaktiya thi balki har ek giddh kafi vishalkay tha. Un giddhon ko samne dekh Bhokal ne kaha:-
DialoguesBhokal: Ab samjha is raaste ko aakash mein kyon banaya gaya hai.
Art Directions 

Panel:57
NarrationBhokal ke itna kehte hi giddhon ne Bhokal ke upar hamla chalu kar diya aur Bhokal ne bhi un hamlon ka jawaab dena shuru kar diya.
Bhokal yahan giddhon se ladh raha tha, wahan Dhruva shera se takkar le raha tha. Shera ke andar hazaron sheron ke takat thi aur woh uska poora fayda uthate hue Dhruva ke upar vaar kiye ja raha tha. Dhruva ke haath mein thi guns to shera ke haath mein thi ek talwar jisse woh Dhruva par vaar kar raha tha. Kabhi shera talwar se aag fainkta to kabhi us talwar ko zameen ke andar dhansa kar us jageh ki poori zameen hila deta. Dhruva ke vaar uspar koi asar nahi chodh rahe the, chahe woh guns se kiya gaya vaar ho ya phir uske star blades se kiya gaya vaar. Dhruva ko samajh mein aa gaya tha ki agar shera ko harana hai uske haath se talwar ko chudana hoga. Isliye Dhruva apni star line ki madad se wahan maujood pedon ke beech jhoolne laga. Shera ko samajh nahi aa raha tha ki Dhruva karna kya chahta hai, isliye woh pedon par andha dhund vaar karne laga, isi mauke ka fayda uthate hue Dhruva ek ped par baith kar apni belt se nikal kar nerve gas shera ke samne chodh di, kuch palon ke liye shera ko kuch dikha nahi aur is mauke fayda uthate hue Dhruva ne ek pedh ki dali par star line fansaya aur us lehrate hue shera ke seene par aisi kick mari ki shera khud to zameen par gira hi par uske haath se uski talwar bhi choot gayi jo ki uske shakti ka mukhya soutra thi. Dhruva ne turant hi shera ki talwar ko uthaya aur uske baad us talwar ko Shera ke seene ke aar paar kar diya, shera abhi bhi nahi mara tha isliye Dhruva ne us talwar se shera ke sir ko dhad se lag kar diya. Jaise hi Dhruva ne shera ko khatam kiya shera ki shareer se ek kiran nikli aur us kiran ek dwar ko roop le liya. Dhruva ne waqt kharab na karte hue seedhe us dwar mein pravesh kar liya.
Ab scene shift hota hai Doga aur pigmi ki ladai ke aur. Doga hazaron pigme se ghira hua hai aur woh sabhi pigmi uske upar blow pipes se vaar kiye ja rahe the, Doga bhi unke vaaron ka jawaab dete hue na jane kitne pigmi ko apni guns se udate ja raha tha. Par Doga ka durbhagya yeh tha ki un pigmi ki tadad bahut thi aur unke dwara fainke gaye jehreele teeron ka asar bhi Doga ke upar hone laga tha aur woh dheere dheere apne hosh khone ki kagaar par pauhunch raha tha. Doga ko kamzor padhta dekhkuch pigmi uske shareer se chipak kar uspar vaar karne lage, Doga jo ki behosh lag raha tha usne un sabhi ko ek hi baar mein apne shareer se hata diya, tab uske upar phir se blow pipes se vaar hone lage. Doga ke paas ab chupna ke alava aur koi chara nahi tha isliye woh himmat juta kar ek ped ke paas phuhcha aur jaise bhi karke himmat juta kar us ped par chadh gaya. Doga ko pedh par chadhta dekh sare pigmi bhi us ped ko gher kar khade ho gaye aur wahan se Doga par vaar karne ki koshish karne lage. Unki yeh harkat dekh Doga ne kaha:-
DialoguesDoga: Kamino itne upar aakar baitha hun jahan agar tum apni poori dum se bhi pipes mein phoonkoge to bhi mere paas tak tumhare teer nahi aa payenge. Par mere paas ek cheez hai jo main tumhare paas tak pauhcha sakta hun.
Art Directions 

Panel:58
NarrationDoga ne tab ek hand grenade nikala aur uski pin hata kar neeche apne ped se door faink diya, sare pigmi us grenede ko pakadne uske peeche bhaage aur us grenade gher kar khade ho gaye. Unhe laga yeh koi acchi cheez hai par woh kya jante the yahi unke maut ka samaan hai. Par unhe agle pal hi yeh sach pata chal gaya jab woh grenede phata aur us grenade ke dhamake ka impact itna bheeshan tha ki sare pigmi ek saath khatam ho gaye. Unke khatam hote hi Doga zameen par utra to use ek dwar banta dikhayi diya. Doga ne apne hathiyaar uthaye aur us dwar mein ghus gaya.
Ab scene shift hota hai us jageh jahan Bhokal aur giddon ki sena ke beech yudh chal raha hai. Waise to yahan giddhon ki sankhya zyada thi par tab bhi Bhokal unpar bhari padh raha tha. Ek Ek karke woh apne samne aa rahe har ek giddh ko khatam kar raha tha. Tab giddhon ne Bhokal se bachne ke liye uspar ek saath jhund bana kar vaar karna chalu kar diya, sab ek saath apne pankh numa haathon se bijli chodhne lage jisse Bhokal chonk gaya kyonki abhi tak unhone aisa kuch nahi kiya tha. Bhokal unke achanak hue hamle se ghayal ho chuka tha, par phir bhi woh un giddhon ka dat kar samna kar raha tha. Usne giddhon ko samapt karne ke liye jwalashakti ka prayog kiya to giddhon ne apne pankhon ko itni tezi se phadphdaya ki jwala unke paas aane se pehle hi bhuj gayi. Giddhon ke vaaron ki teevrta badti ja rahi thi aur Bhokal ke vaar un sabko khatam nahi kar pa rahe the. Isliye door khade hokar vaar karne ki jageh Bhokal un giddhon ke jhund ke beech mein ghus gaya aur ek saath un sabhi giddhon ko marne laga. Bhokal unko maarte hue khud bhi ghayal ho raha tha par uska dhayan us waqt sirf un giddhon ki sena ko khatam karne mein tha. Kuch der ke sangharsh ke baad Bhokal ne giddhon ki puri sena ko khatam kar diya. Aakhri giddh ke khatam hote hi wahan ek dwar banta hai, Bhokal us dwar mein pravesh karta hai.
Dhruva jis dwar mein ghusa tha usse woh bahar nikalta hai, jis jageh woh pauhcha hai wahan samne ek nadi beh rahi hai, Dhruva us nadi ke pani se apna chehra dhota hai, ki tabhi wahan use ek dwar aur kholta dikhta hai, us dwar mein se Doga bahar nikalta hai. Doga ke upar zeher ka asar kafi zyada ho chuka tha, jaise hi woh dwar se bahar nikla woh zameen par gir gaya. Dhruva turant Doga ke paas gaya use uthane ki koshish karta hai. Dhruva Doga ko nadi ke paas le jakar use pani pilata hai. Doga ab pehle se thoda theek mehsoos kar raha tha, usi waqt ek aur dwar wahan khulta hai aur usme se Bhokal bahar aata hai, woh bhi buri tarah se ghayal tha, giddhon ne use bahut se ghaav de diye the. Dhruva ne Bhokal ko bhi Doga ke saath bithaya aur woh us jageh ki chaanbeen karne laga ki wahan koi mil jaye jo ki Doga aur Bhokal ke upchar mein uski madad kar sake. Dhruva us jungle mein chaanbeen kar hi raha tha ki uske kandhe par kisi ne haath rakha, Dhruva ne palat kar dekha to use ek Bheriya manav dikhayi diya. Yeh koi aam Bheriya manav nahi tha, yeh the wulfano ke Gururaj bhatiki.
Dialogues 
Art Directions

 Dhruva: Kaun ho tum?
GB: Mere bare mein janne ki tumhe zarurat nahi hai. tum yeh batao ki  tum kaun ho aur yahan kyon aaye ho.
Druvha: main dhruva hun aur yahan main kobi aur bheriya ki talash mein aaya hun.
GB: Kobi tum use kyon talash rahe ho?
Dhruva: Dekho agar tum isi tilism ke rakshak ho, to main tumhe bata dun ki main yahan ladne ke irade se nahi aaya hun. main yahan kobi aur bheriya ko talashne aaya hun, ladne ka mera koi irada nahi hai.
GB: Dhruva, main is tilism ka rakshak nahi hun, is tilism ka nirman maine kiya hai. main hun gururaj bhatiki.
Dhruva: Kaun Gururaj bhatiki?
GB: Main Kobi Aur Bheriya ka guru hun.
Dhruva: Phir to aapko pata hoga ki kobi aur bheriya kahan hain.
GB: Haan mujhe pata hai woh kahan hai, par tum yeh batao ki tumhe un dono se kya kaam tha?
Dhruva: Gururaj, main kobi aur bheriya ka mitr hun, dhruva, aur yeh dono bhi meri tarah bheriya ke mitr hain, doga aur bhokal.
Gururaj: Bhokal, use to main janta hun. par phir bhi itne saalon baad, tum log is jungle mein kyon aaye ho. 4 saal se is jungle mein kisi bhi mashini aur insani prani ka aana nishedh tha.
dhruva: gururaj main sari baatien aapko samjhaunga, par abhi in dono ko upchar ki sakht zarurat hai. isliye pehle in dono ke upchar ka intzaam kar deejiye.
GB: Theek hai tum inko lekar mere saath chalo.
Dhruva: par inko hum lekar jayenge kaise.
GB: tumhe uski chinta karne ki zarurat nahi hai.
Itna kehkar Bhatiki ne ek haathi ko bulaya, dhruva ne doga uar bhokal ko us haathi par bithaya aur phir woh bhatiki ke saath chala gaya us jageh jahan use kobi aur bheriya milenge. wahan paunhch kar dhruva ne doga aur bhokal ko ek vaidya ke paas chodha upchar ke liye aur woh khud gaya bhatiki ke paas.
GB: Ab batao dhruva ki tum aur tumhare saathi is jungle mein kyon aaye the.
dhruva: Gururaj shayad aapko pata nahi hoga ki baki poori duniya par mashini praniyon yani ki cyborgs ne kabza kar liya hai. main aur mere saathi is duniya ko cyborgs se bachane ki koshish kar rahe hain aur isi kaam ke liye humko kobi aur bheriya ki madad ki zarurat thi. isi karan se hum unko yahan talashne aaye the, kyonki pichle kai saalon se unke baare mein kisi ko koi khabar nahi thi.
GB: Dhruva hum sab jante hain, sari duniya main keher barsane ke baad overlord ne is jageh ko bhi nahi chodha us ne is jungle pe ashrid yahan ke rehne wale bejuban janwarro ko bhi nahi baksha.
Dhruva: Gurudev, kya hua tha tab, zara khul ke bataiye, kobi aur bhediya theek haina.
GB: Hum wahi bata rahe hain dhruva, Overlord ki ek tukdi ne yahan bhi hamla bol diya tha. Jungle main hahakar mach gaya tha, kobi aur bhediya ne unse jamkar loha liya par unke ati aadhunik hathiyaron ke samne woh nakaam ho gaye aur is ladhai main bhediya gayal ho gaya. Fujo baba aur jane ne uski jaan bachane ke liye aage aaye hi the ki isi dauran ek jaanleva dhamaka hua jis se fujo ki wahin mrityu ho gayi aur jane is hamle main puri tarah gayal hoke behosh ho gayi.  Kobi cyborgs se ladne main vyast tha isliye is taraf uska dhyan nahi gaya, kobi ne jab apni divya gada cyborgs ko khatam kar diya tab usne charon taraf dekha toh use tabahi hi tabahi nazar aayi, usne jane ko dekha jo ki khoon se lathpath thi, use dekh kobi pagal ho gaya aur fujo ko doondne laga par use sirf uska bejan sharer mila, wahin jane ke pass bhediya bhi behosh pada tha.
Dhruva: Gurudev bhediya to theek haina, kahin Fujo baba ki tarah, woh bhi to?
GB: Dhruva bhediya ab theek hai, par us waqt uski stithi bahut gambhir thi, mujhe yaad hai us waqt kobi ne mujhe pukara tha, main Samadhi main tha, par kobi ki pukar sunkar main yahan aaya to dekha ki charon aur tabahi hi tabahi hai. Kobi jane aur bhediya ke bagal main baith ke ro raha tha, mujhe dekh ke usne bola ki gurudev main is jungle ko bachane main asafal raha, meri pyari jane buri tarah gayal ho gayi, bhediya bhi uski raksha nahi kar paya aur woh bhi gayal pada hua hai, fujo baba ki bhi saansien nahi chal rahi hain gurudev meri madad kijiye.
Apne bachoo ki yeh halat dekh meri ankhon se aansoo ke dharaye nikalne lagi maine samay gavaye bina unka upchaar chalu kar diya bhediya toh hosh main aaya gaya par jane sir pe lagi gatak chot se abhi tak ubhar nahi payi hai. Jab Bhediya hosh main aaya toh jane ki halat dekh woh gum main doob gaya aur apne aap ko doshi maan ke koshne laga, kobi jane hi halat dekh pagal ho gaya aur in sare mashini praniyon ko khatam karne ki usne than li thi, par mujhe samachar mila ki overlord jo ki in mashini praniyon ka raja hai usne sari duniya pe kabza kar liya hai, to maine jane ki kasam deke kobi ko shant kiya aur us se jungle main rehne ke liye kaha, kobi-bhediya wulfano ke aakhir pashinede hai mere liye yahi mera parivar hai aur yahi wulfano ko phir se aabad karenge. Mere is swarth ke karan, kobi aur bhediya is jungle main ruke hue hain, jungle main phir koi hamla na kare isliye maine yahan ek tilism isthaphit kiya jisse koi mashini ya jeevit prani is tilism ko paar kiye bina is jungle main pravesh na kar sake.
Dhruva: Gurudev, wulfano aur aapke bare main to mujhe kuch nahi pata, par kobi aur bhediya sirf aapke wulfano ke nahi balki is vishva ke nagrik hain. Un cyborgs ne poori duniya ke upar kabza kar liya aur aapne apne swarth ke liye kobi aur bhediya ko un cyborgs ka samne karne se rok diya. Maaf kijiyega gurudev, par aapne jo kiya woh kitna sahi tha, ye aap bhi jante hain, to phir kyon ab tak kobi aur bhediya ko aap is jungle main kaid rakhe hain.
Gurudev: Dhruva, humne jo kiya, woh hume us waqt sahi laga, hum nahi chahte the ki kobi ya bhediya un dono main se kisi ek ko bhi koi nuksaan ho, aur woh akele un mashini praniyon ke atyadhunik hathiyaron ka kitni der tak samna karte, isliye humne unhe rok liya.
Dhruva: Kher jo hua to hua, ab to bataiye ki kobi aur bhediya hain kahan, is duniya ko unki zarurat hai gurudev, main unhe lene aaya hun, taki cyborgs ke khilaaf chedi gayi jung main woh bhi hamara saath de sake.

Tabhi dhruva ko ek awaaz sunayi deti hai:-

Bhediya: Dhruva, tum yahan kaise?

Dhruva bhediya se jake milta hai, aur use shuru se lekar abhi tak ki sari ghatnao ke bare main batata hai, kaise overlord se uska samna hua, kaise usne duniya pe apna kabza jama liya, uske baad kaise dhruva wapis aaya aur usne bhokal ke saath milkar doga ko chudaya. In sabhi ghatnao ke bare main jankar bhediya bola:-

Bhediya: Poori duniya us shaitan ke haathon tabah ho gayi aur main yahan apne swarth ke liye is van main baitha raha, didhkar hai mujhpe.
Gurudev: Putra galti tumhari nahi, balki hamari hai. Humne apne swarth ki wajeh se tumko rok liya tha, hume maaf kar do putra.
Dhruva: Gurudev, galti aapki bhi nahi thi, halat hi kuch aise ho gaye ka the us waqt ki aapne bhediya ko rok liya, par ab halat badal chuke hain, aur ab bhediya main chahta hun ki overlord ki khilaaf chedi gayi hamari jung main tum hamara saath do.
Bhediya: Dhruva ek baar gurudev ki wajeh se main ruk gaya tha, ab chahe jaan chali jaye par un mashini praniyon ka naamo nishan is dharti se mita dunga main. Kyonki unse mujhe meri jane ka badla bhi lena hai, isliye main tumhare saath hun dhruva.
Dhruva: Waise bhediya, jane ki halat ab kaisi hai, aur tum akele aaye kobi kahan hai?
Bhediya: Kobi? Batata hun uske bare main, filhaal aao tumhe jane se milvata hun.

Dhruva, bhediya aur gurudev ke saath, ek kamre main gaya jahan kuch vaidya, jane ka upchar kar rahe the. Jane ki halat sthir thi, uske sharir main koi hulchal nahi ho rahi thi, ek tarah se who zinda hote hue bhi zinda nahi thi. Jane ke bagal main baith ke bhediya ne dhruva ko kaha:-


Bhediya: Dhruva yeh hai jane, us hamle ke baad se yahi halat hai iski, na kuch bolti hai aur na hi kuch aur karti hai, bas yuhi aankh band kare rehti hai.

Itna kehke bhediya rone lagta hai.

Gurudev: Bhediya sambhalo apne aap ko.
Bhediya: Zinda laash bana ke rakh diya hai meri jane ko un shaitano ne, kitne saalon se main taras raha hun ki jane ab hosh main aayegi ab aayegi, par mera intzaar to lagta hai ab meri maut pe hi khatam hoga.
Dhruva: Kaisi baatien kar rahe ho bhediya.

Bhediya beech main bol utha.

Bhediya: Sach keh raha hun, sach. Aur agar maut aani hi hai to apni jane ke gunahgaro ko saza dete hue hi aayegi, un mashini shaitano ko tabah kar dunga main.
Dhruva: Bhediya sambhalo apne aap ko. Jane theek ho jayegi. Mere khayal se jane coma main hai, use acche upchar ki zarurat hai, tum ise mere saath rajnagar le chalo, wahan acche doctor maujood hain jo jane ka ilaaz kar denge.
Gurudev: Dhruva sahi keh raha hai bhediya, sambhalo apne aap ko, tum jane ko dhruva ke saath le jana, wahan woh theek ho jayegi.
Dhruva: Bhediya bharosa rakho jane theek ho jayegi.
Bhediya: Dhruva isi bharosa ke saath hi to jee raha hun itne saal se. Main jane ko le chalte ki taiyari karta hun.
Dhruva: Bhediya ruko, tumne yeh to bataya hi nahi ki kobi kahan hai, use bhi to saath le chaln hai.
Bhediya: Dhruva, kobi ko le chalne ka vichar tum chodh hi do to accha hai. Woh hamare saath nahi chalega.
Dhruva: Nahi chalega, aisa kyon, woh hai kahan ye to batao.
Bhediya: Kobi ko hum logon ne bhi kafi samay nahi dekha hai, aaj se pehle woh 20 ya 25 din pehle aaya tha jane ke bare main pata karne. Uske baad woh kahan gaya kisi ko pata nahi.
Dhruva: Pata nahi, par woh aisa bartav kar kyon raha hai?
Gurudev: Dhruva, kobi ab tak jane ki halat ke liye khud ko jimmedar manta hai aur use is baat ka bhi dukh hai ki jane ki yeh halat jin logon ne ki unhe woh saza nahi de paya, isliye woh jungle ke logon se door rehne laga, akele apna dukh she raha hai kobi.
Dhruva: Gurudev kya aap yeh pata kar sakte hain, ki kobi is waqt kahan hai, aapke paas to kai divya shaktiyan hain, aap to yeh asani se pata kar sakte hain.
Bhediya: Dhruva, use doondhne se bhi kuch nahi hoga, woh poori tarah badal chuka hai, chalti firti lash ban chuka hai woh, nahi chalega woh hamare saath.
Dhruva: Kobi chalega bheriya, use chalna hi padega, kyonki yahi to ek mauka hai jab woh jane ko insaaf dila sakta hai, woh is mauke ko nahi chodega, main janta hun.
Gurudev: Dhruva ekdum sahi keh raha hai bhediya, maine apni shakti se kobi ka pata laga liya hai, uski bhediya fauj ka yeh bhediya hume uske paas tak le jayega.
Bhediya: Theek hai gurudev, chaliye lekar aate hain hum apne kobi ko.
Dhruva: Bhediya, woh Doga aur bhokal, unki halat kaisi hai ab.
Bhediya: Woh ab theek hain, abhi aaram kar rahe hain.
Dhruva: Chalo woh bhi jald hi theek ho jayenge, filhaal to hum chal ke kobi ko lekar aate hain.

Bhediya aur dhruva, kobi ki fauj ke bhediya ke saath kobi ko talashne chale gaye, aur Gururaj bhatiki jane, doga aur bhokal ke saath ruk gaye. Dhruva aur bhediya us bhediye ka peecha karte hue ek gufa ke samne pauhche, jahan unhe ek saath bahut se bheriya baithe dikhayi diye, kuch ke muh main mare hue jaanwar the, kuch aise hi dukhi baithe the. Un sabhi ko dekh ke bheriya ye samajh gaya ki kobi yahin kahin maujood hoga. Usne kobi ko awaaz lagayi, par 2-3 minute tak use koi jawaab nahi mila. Uske baad dhruva ne kobi ko awaaz lagaya, to gufa ke andar faile andhere ko cheerta hui ek aakriti bahar aati dikhayi di. Yeh kobi hi tha, jisne bahar aate hi bola:-

Kobi: Kaun hai be, kisne itni himmat ki jo mujhe pukare.
Bhediya: Kobi main hun, bhediya.
Kobi: Bhediya tu, tu yahan kya kar raha hai, aur yeh kisko saath main le aaya.
Dhruva: Kobi, main dhruva hun, tumhara mitr.
Kobi: Dhruva, kaun dhruva, main kisi dhruva ko nahi janta.
Bhediya: Kobi, yaad karo, yeh dhruva hai, kai baar mil chuke hain hum pehle.
Kobi: Ah kuch yaad to aa raha hai, tu kahin woh rajnagar wala dhruva to nahi.
Dhruva: Haan kobi wahi dhruva.
Kobi: Tum yahan kya kar rahe ho, aur tum yahan aaye kaise, is jungle ko to guru bhatiki ne tilism se bandh diya tha.
Dhruva: Kobi main tumko sab kuch batata hun shuru se.

Dhruva kobi ko shuru se poori kahani sonata hai, aur apne jungle main aane ka karan bhi batata hai, woh karan sunte hi bejan se dikh rahe kobi ke chehre par ek dum se darindgi jhalakne lagti hai. Aur tab woh kehta hai:-

Kobi: Dhruva, un mashini dabbon ko to main kabse nasht karna chahta tha, aaj tumne mujhe ek mauka diya hai, jane ke gunahgaron ko saza dena ka, main tumhare saath chalunga aur is baar guru bhatiki bhi mujhe nahi rok payenge.
Bhediya: Kobi, guru bhatiki ne khud humko anumati de di hai jake un mashini praniyon ko khatam karne ki.
Dhruva: Haan kobi aur jane bhi hamare saath chal rahi hai, rajnagar main uska acche se ilaaj ho jayega, aur jald se jald woh theek ho jayegi.
Kobi: (Jane ka naam sunte hi bhavuk hote hue kehta hai) Dhruva, bhediya, baki baatien baad main, pehle mujhe jane se milna hai jald se jald.
Bhediya: Theek hai, chalo woh hamare mehel main hi hai.

Dhruva, kobi aur bhediya, jane se milne ke liye nikal jate hain. Jane ki halat abhi bhi waisi hi hai, doga aur bhokal ab theek ho chuke the, aur guru bhatiki ke saath baithe hue the jane ke paas:-

Bhokal: Kafi der ho gayi hai, dhruva ko gaye hue. Ab tak to aa jana chahiye tha use.
Doga: Bhokal, woh kobi ko manane gaye hain, aur agar tum kobi se pehle mile hote to tumhe pata hota ki kobi ko manana, shayad is duniya ka sabse kathin kaam hai.
Gururaj: Kobi bahut ziddi hai, pata nahi dhruva aur bhediya use lane main safal ho payenge ya nahi.
Tabhi wahan ek awaaz goonjti hai
Bhediya: Asafal kaam safal ho chuka hai gurudev.
Kobi aakar Gururaj bhatiki ke charan choota hai, doga ke gale lagta hai aur bhokal ke bare main janne ke baad, usse milkar woh seedhe jane ke kamre main jata hai, jahan jane ab bhi behoshi ki halat main hai. Viadhya uska ilaaz kar rahe hain, par unka koi bhi ilaaz use theek nahi kar pa raha hai. Kobi ko us kamre main dekhte hi, sabhi dar gaye, kobi jane ke paas pauhcha aur uska haath pakad ke kobi ne usse bola:-

Kobi: Jane tumhari yeh halat jinhone ki hai, unka main is dharti se namo nishan mita dunga, galti ki thi maine, jo gurudev ki baat maan li thi, par ab un mashini dabbon ka sanhar karne se mujhe koi nahi rok sakta. Tumhare shareer pe hue ek ek zakham ka hisab chukana hoga unhe.

Tabhi Dhruva, bhediya, doga aur bhokal us kamre main aate hain aur sabhi ek saath kehte hain.

Kobi un shaitano ka khatama zaroor hoga, hum karenge unko khatam.

Heros ki ek toil taiyar ho gayi thi Overlord ka samna karne ke liye. Kobi aur bhediya ne Gururaj bhatiki se vida li aur jane ko lekar woh dono nikal pade rajnagar ki aur, dhruva, doga aur bhokal ke saath.

Yahan sabhi rajnagar pauhunchne wale hain, wahin, un sab se kafi door, CYBRO city main, bhari hulchul machi hui thi. Overlord dwara bulayi gayi meeting main sare war chieftain aa chuke the, ye meeting thi Cybro City ke Strategy Room main. Sabhi war chieftain ek doosre se kuch discuss kar hi rahe the ki tabhi us Strategy room enter hua un sabhi ka boos, OVERLORD. Overlord ke aane par sabhi khade ho gaye, aur Jab tak Overlord apni Jageh par baith nahi gaya, kisi ne hilne ki zarurat bhi nahi ki. Overlord ke saath uske do associates bhi the, jinke haath main kuch aadhunik gadgets maujood the. Overlord ne ab apne ek associate ko ishara kiya to usne bolna shuru kiya:-

A: Aap sabhi yeh jante hi honge ki yeh meeting kis wajeh se bulaya gayi hai, Hamare Afghanistan ke base par hamla kiya gaya hai, aur us hamle main na sirf Hamara Power station tabah ho gaya balki Wahan par kaid kiye gaye, Doga ko bhi chuda liya gaya hai. Ye un sabhi pictures hain, jinhone hamare base pe hamla kiya tha.

Associate apne gadget ki madad se samne maujood super computer ki screen ko activate kar deta hai, jis par Dhruva, Bhokal, Vishank aur Sillu ki pictures dikhne lagti hai. Dhruva ki photo dekhte hi, wahan maujood ek Chieftain bolta hai:-

C: Overlord sir, yeh insan to jana pehchana lag raha hai, jahan tak mujhe yaad hai, ise to aapne France main kiye gaye attack main maar diya tha.

Overlord: Janta hun main, yeh wahi hai. Mujhe bhi laga tha ki yeh mar chuka hai, aur mujhe iski maut ki khabar tumne hi di thi. Par yeh zinda hai, aur isne hamare ek base ko tabah kar diya hai.

C: Sorry sir, par jab maine ise dekha tha to iske bachne ki koi ummeed hi nahi thi, isliye maine aapko bata diya tha ki yeh mar gaya hai.

 

Overlord: Tumhari ek laparwahi ki wajeh se hamara inta bada nuksaan ho gaya hai. Power Station tabah hua aur saath main Doga ko bhi chuda liya gaya hai. Doga hamare liye kitna zaroori tha yeh to pata hai na tumhe.

C: I am sorry sir, mujhse galti ho gayi, mujhe maaf kar deejiye.

Overlord: Galti insano se hoti hai, Cyborgs se nahi. Aur maaf hum insano ko bhi nahi karte aur Cyborgs ko bhi nahi.

Itna keh ke Cyborg apne haath main Fit control panel pe kuch harkat karta hai aur usi waqt woh Cheiftain khatam ho jata hai.

Overlord: Na main galti maaf karta hun aur na hi Laparwahi. Yeh meeting humne apne future strategy discuss karne ke liye bulayi hai. Jiski detail aapko mera assistant yani ki Cybro1 dega.

A: Overlord sir ke plan ke mutabik maine un insano ko hamare sabhi bases ki link bhej di hain.

C2: Sir bases ki link unhe bhej di gayi hain. Aise to woh hum par kabhi bhi hamla kar sakte hain.

Overlord: Beech main bolne ki ijazat yahan sirf mujhe hai. To pehle poori strategy suno phir bolo. Cybro1 tum aage ki stretegy batao.

A: Sir ke plan ke mutabik, humne apne charon bases ki link unhe bhej di hai. Ab jaisa ki aapne kaha woh hamare bases pe hamla karenge aur yahi sir chahte hain. Sir chahte hain ki hamare teen bases main maujood hamare power stations main cyborgs ke production ko rok diya jaye, aur thodi bahut force hi wahan rehne di jaye, un insano ka samne karne ke liye. Africa, South America aur Europe main maujood hamare bases pe yeh plan lagu hoga.


C3: Sir yani ki hum teeno ke under jo bases aate hain, unko khali kiya jayega. Par aisa kyon sir?

A: Aisa isliye chieftain, kyonki sir un insano ke andar paida hue confidence ko over confidence main tabdeel karna chahte hain.

C4: Main kuch samjha nahi sir?

Overlord: Tumhe kuch samajhne ki zarurat bhi nahi hai, jo tumse kaha gaya hai wahi karo. Un teeno bases ki force ko kam karo, tum teeno wahi reh ke bachi hui forces ko lead karo. Power station band ho jane chahiye. Agar tum logon ne un insano ko wahin khatam kar diya, to kafi accha hoga, aur agar tum nahi kar paye to unki maut hamare 4th base par unka intzaar kar rahi hogi.

C2: Aapke orders turant follow kiye jayenge sir, par hamare 4th base ke chieftain to khatam ho gaye hain, to us base ka naya chieftain kaun hoga, kaun hai jo sambhalega us base ko.

Overlord: Us base ke Chieftain ko main chun chuka hun.

C4: Sir kaun hai woh?

Overlrod: Woh ek aisa cyborg hai, jise insan kafi acche se jante hain, kabhi yeh unka dost hua karta tha, par mujhse bhidant ke baad woh
Mera gulam ban ke reh gaya hai.

C3: Sir kahin aap usi ki baat to nahi kar rahe hain.

Overlord: Bilkul main usi ki baat kar raha hun, pesh hai, Area 51 base ka naya War Chieftain, Insano ke liye Inspector Steel, par hamare liye hamara Gulam, Cybrog Steel.
 Steel: Overlord sir aapne mujhe bulaya tha?

Overlord: Haan Cyborg steel, hum tumhe ek zaruri baat batana chahte the.

Steel: Kaun si baat sir.

Overlord: Area 51 base ke war chieftain ko Humne uski post se hata diya gaya hai. Aur hum chahte hain ki Tum Area51 ke naye war chieftain bano.

Steel: Sir, war chieftain kafi badi post hai, aapko lagta hai ki main us post ke saath justice kar paunga.

Overlord: Cyborg steel, tum apni kabiliyat pe shaq mat karo. Mujhe pata hai ki tum us post ke kabil ho, aur agar hume hamare plan ko safal banana hai, to tumhara war chieftain banna zaruri hai.

Steel: As you wish sir. Jaisi aapki marzi.

Overlord: Ab tum ja sakte ho, hamare agle order ka intzaar karne tak tum apni cell main hi rehna.

Overlrod ka order pakar steel apni cell main chala gaya.

Overlord: Aane do ab un insano ko hamare paas. Unhe kya pata, humne unke liye kitni dardnak maut taiyar karke rakhi hai.


Overlord ab apne power chamber main jakar khud ko recharge karne laga, aur usi waqt rajnagar main, Dhruva, bheriya, doga aur bhokal strategy room main baith ke hamle ki planning kar rahe the.

Dhruva: Kobi aur Bheriya ke hamare saath aane se hamari taqat aur badh gayi hai, ab hum un cyborgs pe hamala kar sakte hain.

Bhokal: Hamla to hum karenge dhruva, par kandhar main mili haar ke baad cyborgs ab aur bhi satark ho gaye honge, isliye hum sabhi ko puri taiyari ke saath jana hoga.

Doga: Kobi aur Bheriya bhi kafi din se jungle main hi the, ek dum se unhe itne bade hamle main involve karna samajhdari ka kaam nahi hoga.

Bheriya: Doga, bhale hi kafi dino se kisi se lada nahi hun main, par un cyborgs se jane ki is halat ka badla lene ke liye main betab hun, isliye jitni jaldi hamla karein un pe utna hi accha hoga.

Dhruva: Bheriya, jaldbaji karna sahi nahi hoga. Har kadam soch samajh ke uthana padega. Kyonki puri duniya ka bhavishya hone wali jung pe tika hua hai.

Doga: Dhruva sahi keh raha hai bheriya, aur waise bhi kuch din to lene hi padenge humko, tumhe aur kobi ko naye adhunik hathiyron se abhyast karane ke liye.

Bhokal: Kobi ke paas to phir bhi uski gada hai. Bheriya tumhe un hathiyaron ko istemal karna seekhna hoga.

Bheriya: Tum sab sahi keh rahe ho, dhruva main waqt zaya nahi karna cahta, jald se jald mujhe un hathiyaron ka istemal karna sikhao.

Doga: Bheriya dhruva ka hathiyaron se kya vasta, un hathiyaron ko chalana main tumhe sikhaunga.

Doga, Kobi-Bheriya ke saath hathiyaron se abhyas karne chala jata hai aur dhruva, bhokal aur dhananjay ke saath baith ke hamla ki yojna bana raha tha.


User reviews

Average user rating from: 11 user(s)

To write a review please register or log in.
Overall rating 
 
4.0
Plot 
 
4.7  (11)
Originality 
 
3.7  (11)
Characterization 
 
4.2  (11)
Exposition 
 
4.2  (11)
Dialogues 
 
4.0  (11)
Flow 
 
3.4  (11)
Pace 
 
3.4  (11)
Overall Rating 
 
4.2  (11)
Recommend 
 
4.5  (11)
 
Survivors 2014-11-10 11:55:05 RISHIT TIWARI
Overall rating 
 
4.5
Plot 
 
4.5
Originality 
 
3.5
Characterization 
 
5.0
Exposition 
 
5.0
Dialogues 
 
4.5
Flow 
 
4.0
Pace 
 
3.5
Overall Rating 
 
5.0
Recommend 
 
5.0
Gud mrng Reviewed by Gud mrng    November 10, 2014
Top 10 Reviewer  -   View all my reviews

SURVIVOR

Plot Badiya hai . Characterization bhhote Badiya hai.Overall good hai.

Survivors 2011-01-05 16:43:22 Rahul Ranjan
Overall rating 
 
3.7
Plot 
 
3.5
Originality 
 
2.0
Characterization 
 
4.5
Exposition 
 
4.0
Dialogues 
 
3.0
Flow 
 
3.5
Pace 
 
4.0
Overall Rating 
 
4.0
Recommend 
 
5.0
prince caspian Reviewed by prince caspian    January 05, 2011
Top 100 Reviewer  -   View all my reviews

Hila dala re!

Superb. But 1 thing which i disliked was that i gave me feel of TERMINATOR. the background was same.

Survivors 2009-03-13 05:14:56 Basukinath kumar
Overall rating 
 
3.3
Plot 
 
5.0
Originality 
 
2.0
Characterization 
 
4.0
Exposition 
 
4.0
Dialogues 
 
4.0
Flow 
 
3.0
Pace 
 
2.0
Overall Rating 
 
4.0
Recommend 
 
2.0
basukinath Reviewed by basukinath    March 13, 2009
Top 1000 Reviewer  -   View all my reviews

basu idea

It is a good plot

Survivors 2009-02-27 12:45:08 suryadev vishwakarma
Overall rating 
 
4.2
Plot 
 
5.0
Originality 
 
5.0
Characterization 
 
5.0
Exposition 
 
5.0
Dialogues 
 
3.0
Flow 
 
5.0
Pace 
 
4.0
Overall Rating 
 
3.0
Recommend 
 
3.0
Super Hero Surya Reviewed by Super Hero Surya    February 27, 2009
Last updated: March 02, 2009
Top 1000 Reviewer  -   View all my reviews

MINDBLOWING

Its a mindblowing story superDhruv, Main ise vote karta hoon ki ye ek comics ke roop me haam pathko ke haath me ho. Please aap jald se jald ye story puri kar ke post kijye. Anyatha aap jante hai ki mere raat ki wo... aur din ki wo... puri nahi hogi.

HARIOM Sarve Vawaantu Sukhinaa.

Survivors 2009-02-20 14:31:29 Abhinav
Overall rating 
 
4.1
Plot 
 
5.0
Originality 
 
5.0
Characterization 
 
4.0
Exposition 
 
4.0
Dialogues 
 
4.0
Flow 
 
3.0
Pace 
 
3.0
Overall Rating 
 
4.0
Recommend 
 
5.0
100mu Reviewed by 100mu    February 20, 2009
Top 500 Reviewer  -   View all my reviews

fantastic storyline and details

bahut badhiya script likhi hai aur amazing details di hain aapne

jaldi se ise pura karen...

gr8 job

Survivors 2009-01-17 05:12:48 akash pathak
Overall rating 
 
4.3
Plot 
 
5.0
Originality 
 
4.0
Characterization 
 
3.0
Exposition 
 
3.0
Dialogues 
 
4.0
Flow 
 
5.0
Pace 
 
5.0
Overall Rating 
 
5.0
Recommend 
 
5.0
chankey2790 Reviewed by chankey2790    January 17, 2009
Top 1000 Reviewer  -   View all my reviews

very great story

Great story... u did a great job. please finish the story.
A comic series shud be made on this story.

Survivors 2008-12-14 20:14:58 farhan khan
Overall rating 
 
2.9
Plot 
 
5.0
Originality 
 
3.0
Characterization 
 
3.0
Exposition 
 
1.0
Dialogues 
 
5.0
Flow 
 
1.0
Pace 
 
1.0
Overall Rating 
 
2.0
Recommend 
 
5.0
selective Reviewed by selective    December 15, 2008
Top 500 Reviewer  -   View all my reviews

nice..but need to improve!!!!!!!!1

hi super Dhruv I donno ur age or any thing but fst of all I praise ur mind which can plot ta situation well. u rote ta stoy well but didnt maintain ta flow and pace wen ever ta scene changes ta nxt seen and it startin bore
particularly tat bhokal entry he went to parilok after maintaining ta peace he returne to earth and see that cyborgs hit ta earth can you tell me how? why he cant return in his original phase...in ta vaishali or any medival city...
any ways I didn't read whole coz u havent finished...
keep it up and i'll b giving ya expert comments

Survivors 2008-11-20 21:11:24 Ashish Bharani
Overall rating 
 
4.6
Plot 
 
5.0
Originality 
 
5.0
Characterization 
 
5.0
Exposition 
 
5.0
Dialogues 
 
3.0
Flow 
 
3.0
Pace 
 
5.0
Overall Rating 
 
5.0
Recommend 
 
5.0
ashish_bharani2005 Reviewed by ashish_bharani2005    November 21, 2008
Top 1000 Reviewer  -   View all my reviews

gr8 story

hi superDhruv,
its really good story given by you,
excellent work,
keep it


& pls finish the story soon

Survivors 2008-11-12 20:10:46 sankalp shrivastava
Overall rating 
 
4.2
Plot 
 
5.0
Originality 
 
4.0
Characterization 
 
4.0
Exposition 
 
5.0
Dialogues 
 
4.0
Flow 
 
3.0
Pace 
 
3.0
Overall Rating 
 
5.0
Recommend 
 
5.0
superdhruv Reviewed by superdhruv    November 13, 2008
Top 100 Reviewer  -   View all my reviews

good, aage bahut kuch shandaar hoga

thanks mohit n nikki, aage ki bhi jaldi post karunga aur mohit ur mummy thing was right it was done to bring in some fun, overall story is going gr8 till now aage ki story will shock u all

Survivors 2008-11-03 08:44:42 Mohit Sharma
Overall rating 
 
3.8
Plot 
 
4.0
Originality 
 
3.0
Characterization 
 
4.0
Exposition 
 
5.0
Dialogues 
 
4.0
Flow 
 
3.0
Pace 
 
3.0
Overall Rating 
 
4.0
Recommend 
 
4.0
TRENDSTER Reviewed by TRENDSTER    November 03, 2008
Top 50 Reviewer  -   View all my reviews

Good

Thrilling encounters of cyborgs and heroes. Dialogues were impressive but narration was ordinary. Originality was another issue...that Doga-Pigmi sequence reminded me of the movie 'Mummy', etc.

Overall, its a remarkable effort. Congratulations to both the writers.

Survivors 2008-11-01 13:58:41 N J
Overall rating 
 
4.7
Plot 
 
5.0
Originality 
 
4.0
Characterization 
 
5.0
Exposition 
 
5.0
Dialogues 
 
5.0
Flow 
 
4.0
Pace 
 
4.0
Overall Rating 
 
5.0
Recommend 
 
5.0
joshi.nikki Reviewed by joshi.nikki    November 01, 2008
Top 100 Reviewer  -   View all my reviews

great work

hi superDhruv,
its really good story given by you,
excellent work,
keep it up

 
Powered by JReviews