Wednesday, July 23, 2014
| FAQ | Tutorials |
   
Text Size

Aug 24
2008

Analysis of Indian Performance in 2008 Olympics

Posted by: TRENDSTER

Tagged in: Untagged 

TRENDSTER

Beijing Olympics mey Bharat ka pradarshan ab tak kay sabhi Olympics appearances mey uska best tha. Orthodox Medal winning sport Hockey (Mens) mey Bharat qualify nahi kar paaya par 3 inidividual medals lekar aane waale samay mey International Sports ko badalne ka vaada zaroor kar liya. [Abhinav Bindra (Gold Medal in 10 Meters Air Rifel), Sushil Kumar (Bronze in 66 kgs Freestyle Wrestling) and Vijendar Kumar (Bronze Medal in 75 Kgs Middel Weight Boxing).]

 Halaki, statistics kay anusaar Bharat ki Olympic Standings 50 hai aur kai logo kay anusaar 3 medals jeet lene ka matlab sudhaar nahi hota par tasveer iss baar bahut badi aur alag hai.

 Pehli baat to iss baar zyadatar  Bhartiye khiladiyon nay apne dum par Olympics mey qualify kiya hai. Jabki pehle Bhartiye dal mey quota system aur Wild Card enteries dharak khiladiyon ki sankhya bahut zyada hoti thi.

Kai bhartiye khiladiyon nay Quater Finals mey pravesh kiya ya medal kay kareeb pahunche jaise Saina Nehwal, Akhil Kumar, Jitendra Kumar, Leadner Paes aur Mahesh Bhupati, Achanta Sharat Kamal, Yogeshvar Dutt, etc. Wo bhi tab jab iss baar Bhartiye dal mey shaamil khiladiyon ki sankhya 56 thi.

Iss pradarshan se utsahit hokar Kendra Sarkar aur Rajya sarkaro nay khelo ko badhava dene kay liye moolbhoot dhaancha viksit karne ki aur kadam badha diye hai. Jaise naye especialized sports training centers ka nirmaan. Saath hi private sector nay bhi kai khelo aur khiladiyon ko sponsor karna shuru kar diya hai. SEZ (Special Economic Zones) ki tarz par har state mey Special Sports Zones (SSZ) par bhi vichaar chal raha hai.

- Mohit Sharma (Trendster).